କେନ୍ଦୁଝର: ରାମଚନ୍ଦ୍ରପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁର ଏକ ପରିବାରକୁ ମରଣାନ୍ତର ଆକ୍ରମଣ ହୋଇଛି । ବେଣୁଧର ବେହେରାଙ୍କ ପରିବାରର ୪ ଜଣ ଖଣ୍ତା ଚୋଟରେ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
ରାମଚନ୍ଦ୍ରପୁର ଗ୍ରାମର ବେଣୁଧର ବେହେରାଙ୍କ ପୁତୁରା ଗିଲ ଖଲଣା ଗାଁର ରମେଶ ବେହେରାଙ୍କ ଭାଣିଜୀକୁ ଗତ ଦୁଇ ମାସ ତଳେ ପ୍ରେମ ବିବାହ କରିଥିଲେ । ଉଭୟ ପୁତୁରା ଏବଂ ବୋହୁଙ୍କୁ ବେଣୁଧର ନିଜ ଘରେ ଆଶ୍ରୟ ଦେଇଥିଲେ । ଏନେଇ ରମେଶଙ୍କ ପରିବାର ସହ ବେଣୁଧରଙ୍କ ଶତୃତା ବଢି ଯାଇଥିଲା । ତେବେ ମଙ୍ଗଳବାର ସଂଧ୍ୟାରେ ରମେଶ ବେହେରା ନିଜ ୮ରୁ ୧୦ ଜଣ ସାଙ୍ଗଙ୍କୁ ଧରି ରାମଚନ୍ଦ୍ରପୁର ସ୍ଥିତ ବେଣୁଧର ଓ ତାଙ୍କ ପରିବାର ଉପରେ ଧାରୁଆ ଅସ୍ତ୍ରରେ ହାଠାତ ଆକ୍ରମଣ କରିଥିଲେ । ଏଥିରେ ବେଣୁଧରଙ୍କ ସମେତ ତାଙ୍କ ସ୍ତ୍ରୀ ମାଳତୀ ବେହେରା, ପୁଅ ରଞ୍ଜନ ବେହେରା ଓ ବୋହୁ ଅନ୍ନପୂର୍ଣ୍ଣା ବେହେରା ଆହାତ ହୋଇ ସ୍ଥାନୀୟ ସାଇଁକୁଳ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।