କେନ୍ଦୁଝର:ଓଡ଼ିଶାର ମୁଖ୍ୟ ଅର୍ଥକାରୀ ଫସଲ ଭାବେ ପରିଚିତ ଧାନ ଫସଲକୁ ଜିଲ୍ଲାରେ ପ୍ରାଧାନ୍ୟ ଦିଆଯାଇଥାଏ । ଏହାକୁ କିଏ ବର୍ଷକୁ ଥରେ ତ କିଏ ଦୁଇ ଥର ଚାଷ କରିଥାନ୍ତି । ଏହା ସହ ପରିବା ଚାଷ ମଧ୍ୟ କରିଥାନ୍ତି । କିନ୍ତୁ ଏବେ ଏହି ପାରମ୍ପରିକ ଚାଷରୁ ଧୀରେ ଧୀରେ ମୁହଁ ଫେରାଇ ନେଉଛନ୍ତି ଚାଷୀ ଓ ଅଣଚାଷୀ ।
ପାରମ୍ପରିକ ଚାଷରୁ ମୁହଁ ଫେରାଇ ମାଣ୍ଡିଆ ଚାଷ ମୁହାଁ ଚାଷୀ
ବିଶେଷ କରି ଆଦିବାସୀ ବହୁଳ କେନ୍ଦୁଝର ଜିଲ୍ଲାର ଚାଷୀମାନେ ପାରମ୍ପରିକ ଚାଷକୁ ଛାଡି ଅର୍ଥକାରୀ ଫସଲକୁ ଆପଣେଇଛନ୍ତି । ଏହି ଅର୍ଥକାରୀ ଫସଲ ଭାବେ ଜିଲ୍ଲାର ବାଂଶପାଳ ଆଦି ଅଞ୍ଚଳର ଲୋକମାନେ ମାଣ୍ଡିଆ ଚାଷ ଆରମ୍ଭ କଲେଣି । ପୂର୍ବରୁ ଏହାକୁ ପାହାଡ଼ ମାନଙ୍କରେ ପାରମ୍ପରିକ ଭାବେ ଚାଷ କରୁଥିଲେ । କିନ୍ତୁ ଏବେ ଏହାକୁ ଚାଷ ଉପଯୋଗୀ ପ୍ରଣାଳୀରେ ବିଲ ମାନଙ୍କରେ ଚାଷ ଆରମ୍ଭ କରିଛନ୍ତି । ବିଶେଷ କରି ଏହି ମାଣ୍ଡିଆକୁ ମହିଳାମାନେ ପ୍ରାଧାନ୍ୟ ଦେଇ ଚାଷ ଆରମ୍ଭ କରିଛନ୍ତି । ଏହି ମାଣ୍ଡିଆକୁ ସରକାର ମଧ୍ୟ ପ୍ରାଧାନ୍ୟ ଦେଉଛନ୍ତି ।