କନ୍ୟା ଆଶ୍ରମ ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ସଦର ଥାନା ଶୁଆକାଟି କନ୍ୟା ଆଶ୍ରମ ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ଶୁଆକାଟି ଗ୍ରାମର ରାଜୀବ ଲୋଚନ ସାହୁ ଓରଫ (ରାଜା ) ବୋଲି ଜଣାପଡ଼ିଛି।

କେନ୍ଦୁଝର: ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ସଦର ଥାନା ଶୁଆକାଟି କନ୍ୟା ଆଶ୍ରମ ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ଶୁଆକାଟି ଗ୍ରାମର ରାଜୀବ ଲୋଚନ ସାହୁ ଓରଫ (ରାଜା ) ବୋଲି ଜଣାପଡ଼ିଛି।

ଗୁରୁବାର ରାତିରେ ହଠାତ୍ ରାଜୀବ କୌଣସି କାରଣରୁ ଘରୁ ପଳେଇଥିଲେ । ଶୁକ୍ରବାର ସକାଳୁ ଗ୍ରାମବାସୀ ଶୁଆକାଟି କନ୍ୟାଶ୍ରମ ରାସ୍ତାର ଏକ ଶାଗୁଆନ ଗଛରେ ତାଙ୍କ ଝୁଲନ୍ତା ମୃତଦେହ ଦେଖି ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ ।

ଖବର ପାଇ ଘଟଣାସ୍ଥଳରେ ଶୁଆକାଟି ଫାଣ୍ଡି ଅଧିକାରୀ ଏବଂ ସଦର ଥାନା ପୋଲିସ ପହଁଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ଏପଟେ ଏହା ହତ୍ୟା ନା ଆତ୍ମହତ୍ୟା ତାହା ସ୍ପଷ୍ଟ ହୋଇନଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ