ମହୁଲ ଫୁଲ ସଂଗ୍ରହ ବେଳେ ମହିଳାଙ୍କୁ କଚାଡି ଦେଲା ଦନ୍ତା

ତେଲକୋଇରେ ଦନ୍ତା ହାତୀର ଆତଙ୍କ । ମହୁଲ ଫୁଲ ଗୋଟାଇବାକୁ ଗାଁ ପାଖ ଜଙ୍ଗଲକୁ ଯାଇଥିବା ଜଣେ ମହିଳାଙ୍କୁ ଶୁଣ୍ଢରେ ଫିଙ୍ଗି ଦେଇଛି ଦନ୍ତା । ଅଧିକ ପଢନ୍ତୁ...

କେନ୍ଦୁଝର: ତେଲକୋଇ ବନାଞ୍ଚଳ ଅଧିନରେ ଥିବା ଦେଉଳଡିହା ଗାଁ ନୁଆସାହିରେ ଆତଙ୍କ ଖେଳାଇଛି ଦନ୍ତା ହାତୀ । ଏହି ଦନ୍ତା ହାତୀ ଗାଁର ଜଣେ ମହିଳାଙ୍କୁ ଶୁଣ୍ଢରେ ଫିଙ୍ଗିଦେଇଛି । ରବିବାର ସକାଳୁ କ୍ଷୀର ସିଂହରା ନାମକ ଜଣେ ମହିଳା ଅନ୍ୟ ଦୁଇଜଣଙ୍କ ସହ ମହୁଲ ଫୁଲ ଗୋଟାଇବାକୁ ଗାଁ ପାଖ ଜଙ୍ଗଲକୁ ଯାଇଥିଲେ । ମହୁଲ ଫୁଲ ଗୋଟାଉ ଥିବା ବେଳେ ହାତୀଟି କ୍ଷୀରଙ୍କୁ ଗୋଡାଇ ଗୋଡାଇ ଶୁଣ୍ଢରେ ଟେକି ଫିଙ୍ଗି ଦେଇଥିଲା ।

ଭାଗ୍ୟବଶତଃ ମହିଳା ଜଣଙ୍କ ଏକ ଖାଲରେ ପଡିଯାଇଥିବା ବେଳେ ହାତୀଟି ଦେଖି ନପାରିବାରୁ ସେ ଅଳ୍ପକେ ବର୍ତ୍ତିଯାଇଥିଲେ । ଏନେଇ ଗାଁରେ ଚାପା ଉତେଜନା ଦେଖାଦେଇଛି । ଘଟଣାସ୍ଥଳରେ ବନବିଭାଗ ପହଞ୍ଚି ମହିଳାଙ୍କୁ ମେଡିକାଲରେ ଭର୍ତି କରିଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ