ତେଲକୋଇରେ ହାତୀ ଉପଦ୍ରବ, ଲକ୍ଷାଧିକ ଟଙ୍କାର ଫସଲ ନଷ୍ଟ

ବନବିହାରୀପୁରରେ ହାତୀ ଉପଦ୍ରବ ଦେଖାଯାଇଛି ।  ଗତକାଲି ବିଳମ୍ବିତ ରାତିରେ ହାତୀମାନେ ଗାଁରେ ପଶିବା ସହ ଚାଷୀଙ୍କ ବିଭିନ୍ନ ଫସଲ ନଷ୍ଟ କରିଛନ୍ତି । ଏହାକୁ ନେଇ ଲୋକେ ଆତଙ୍କିତ ହୋଇଛନ୍ତି ।

କେନ୍ଦୁଝର: ତେଲକୋଇ ବନାଞ୍ଚଳ ଅଧିନସ୍ଥ ବନବିହାରୀପୁରରେ ହାତୀ ଉପଦ୍ରବ ଦେଖାଯାଇଛି । ଗତକାଲି ବିଳମ୍ବିତ ରାତିରେ ହାତୀମାନେ ଗାଁରେ ପଶିବା ସହ ଚାଷୀଙ୍କ ବିଭିନ୍ନ ଫସଲ ନଷ୍ଟ କରିଛନ୍ତି । ହାତୀଙ୍କୁ ଘଉଡାଇବାରେ ବନ ବିଭାଗ ବିଫଳ ହେଉଥିବାରୁ ଜନ ଅସନ୍ତୋଷ ଦେଖାଯାଇଛି । ଏପରିକି ହାତୀପଲକୁ ନେଇ ସାଧାରଣ ଲୋକେ ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।

ହାତୀ ଉପଦ୍ରବରେ ଗ୍ରାମର ବହୁ ଏକର ଆଳୁଚାଷ ସହ କଦଳୀ ଚାଷ ନଷ୍ଟ ହୋଇଛି । ହାତୀମାନେ ଫସଲ ଖାଇବା ସହ ଦଳିଚକଟି ନଷ୍ଟ କରିଥିବା ଦେଖିବାକୁ ମିଳିଛି । ତେବେ ଏନେଇ ଚାଷୀ ମୁଣ୍ଡରେ ପଡିଛି ଚଡକ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ