କେନ୍ଦୁଝର: ମହାମାରୀ କୋରୋନା ଲାଗି ସାରା ଦେଶରେ ଲକ୍ଡାଉନ୍ ଘୋଷଣା କରାଯାଇଛି । ତେବେ ଏହି ଲକ୍ଡାଉନ୍କୁ ଅନେକ ଲୋକ ମାନୁନଥିବା ଦେଖିବାକୁ ମିଳୁଛି । ବିଶେଷକରି ଯୁବଗୋଷ୍ଠୀ ଏହାକୁ ଅଧିକ ଅମାନ୍ୟ କରୁଛନ୍ତି । ସେପଟେ ଲକ୍ଡାଉନ୍କୁ ନମାନି ପୋଲିସ ପାଖରୁ ଛେଚା ଖାଉଥିବା ମଧ୍ୟ ଖବର ସାମ୍ନାକୁ ଆସୁଛି ।
ଲକ୍ଡାଉନ୍: ପୋଲିସକୁ ପ୍ରଥମେ ପିଟି ଥାନାରେ ଯୁବକ
କେନ୍ଦୁଝରର ଯୋଡା ଅଞ୍ଚଳରେ ଏଭଳି ଏକ ଦୃଶ୍ୟ ଦେଖିବାକୁ ମିଳିଛି । ଲକ୍ଡାଉନ୍କୁ ନମାନି ଜଣେ ଯୁବକ ଗାଡି ଚଲାଉଥିବାବେଳେ ଜଣେ ପୋଲିସ କର୍ମଚାରୀ ଏହାକୁ ବାରଣ କରିଥିଲେ । ପରେ ଦୁହିଁଙ୍କ ମଧ୍ୟରେ କଥାକଟାକଟି ହୋଇଥିଲା । ପରେ ଯୁବକ ଜଣଙ୍କ ପୋଲିସ ଉପରକୁ ହାତ ଉଠାଇଥିଲେ ।