କେନ୍ଦୁଝର: ବକେୟା ଦରମା ଦାବି କରି ଖଣିର ସମସ୍ତ ଶ୍ରମିକଙ୍କ ଆନ୍ଦୋଳନ । କେନ୍ଦୁଝର ବ୍ଲକ ଅନ୍ତର୍ଗତ ଜଜାଙ୍ଗ ଅଞ୍ଚଳରେ ଅବସ୍ଥିତ ରୁଙ୍ଗଟା ଖଣିର ଶ୍ରମିକମାନେ ଆନ୍ଦୋଳନକୁ ଓହ୍ଲାଇଛନ୍ତି । ଶ୍ରମିକ ଆନ୍ଦୋଳନ ଫଳରେ ଖଣିକାର୍ଯ୍ୟ ପ୍ରଭାବିତ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଖଣିଜ ଉତ୍ତୋଳନ ଏବଂ ପରିବହନ ସମ୍ପୂର୍ଣ୍ଣ ଠପ୍ ହୋଇଯାଇଛି । ଶହଶହ ଶ୍ରମିକ, ଖଣିର ୨ନଂ ଗେଟ୍ ସମ୍ମୁଖରେ ଧାରଣାରେ ବସିଛନ୍ତି । ଦାବି ପୂରଣ ନହେବା ଯାଏଁ ଆନ୍ଦୋଳନରୁ ଓହରିବେ ନାହିଁ ବୋଲି ରୋକଠୋକ୍ ଶୁଣାଇ ଦେଇଛନ୍ତି ଧାରଣାରତ ଶ୍ରମିକ । ଶ୍ରମିକଙ୍କ ଅଭିଯୋଗ ହେଉଛି ଯେ, ସେମାନେ ମୋଟ୍ ୩୮ ମାସର ବର୍ଦ୍ଧିତ ଦରମା ରାଶି ପାଇବାକୁ ଥିବା ବେଳେ, କମ୍ପାନୀ କର୍ତ୍ତୃପକ୍ଷ ମାତ୍ର ୧୧ ମାସର ବର୍ଦ୍ଧିତ ରାଶି ଦେବାକୁ ରାଜି ହୋଇଛନ୍ତି ।