କେନ୍ଦୁଝର: ଓଏମସି ଖଣିରେ ଶ୍ରମିକଙ୍କ ଦ୍ଵାରା ଲୋଡିଂ କରାଯିବା ନେଇ କମ୍ପାନୀ ପକ୍ଷରୁ ପ୍ରତିଶୃତି ଦିଆଯାଇଥିଲା । ମାତ୍ର ବର୍ତ୍ତମାନ କମ୍ପାନୀ ମେସିନ ଦ୍ବାରା ଲୋଡିଂ କରିଥିବା ଗ୍ରାମବାସୀ ଅଭିଯୋଗ କରିଛନ୍ତି । ଯାହାକୁ ବିରୋଧ କରି କେନ୍ଦୁଝର ଶୁଆକାଠି ଓଡିଶା ଖଣି ନିଗମ ନିକଟସ୍ଥ ଇଚିଣ୍ଡା ଗ୍ରାମର ଗ୍ରାମବାସୀ ଆନ୍ଦୋଳନକୁ ଓହ୍ଲାଇଛନ୍ତି ।
ଓଏମସି ଖଣିରେ ମେସିନ ଲୋଡିଂକୁ ବିରୋଧ
ତାଳକଇଁସରି ପଞ୍ଚାୟତ ଅଧିନସ୍ଥ ଇଚିଣ୍ଡା ଗ୍ରାମର ଶତାଧିକ ଗ୍ରାମବାସୀ ନିଜ ଅଞ୍ଚଳବାସୀଙ୍କୁ ରୋଜଗାର ପ୍ରଦାନ ଦାବିରେ ଏହି ଆନ୍ଦୋଳନକୁ ଓହ୍ଲାଇଛନ୍ତି । ଲୋଡିଂ ପଏଣ୍ଟରେ ମେସିନ ଦ୍ବାରା ଲୋଡିଂ ହେବା ଦ୍ବାରା ଖଣି ଦ୍ବାରା ବହୁ ଦିନରୁ ପ୍ରଭାବିତ ହୋଇଥିବା ଗ୍ରାମବାସୀମାନେ କିଛି ସୁଫଳ ପାଇବେ ନାହିଁ ବୋଲି ଅଭିଯୋଗ କରିଛନ୍ତି ।