କେନ୍ଦୁଝର: ଓଡ଼ିଶା ଷ୍ଟାଫ ସିଲେକ୍ସନ କମିସନ (OSSC) ସଦସ୍ୟଙ୍କ ବ୍ୟକ୍ତିଗତ ସହାୟକଙ୍କ ଗିରଫ ଘଟଣାରେ ଆୟୋଗର ଭୂମିକା ସନ୍ଦେହ ଘରକୁ ଆସିଥିବାବେଳେ ଏହାକୁ ନେଇ ସାରା ରାଜ୍ୟରେ ଦେଖିବାକୁ ମିଳିଛି ବିକ୍ଷୋଭ । କେନ୍ଦୁଝରରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଜିଲ୍ଲା ଛାତ୍ର କଂଗ୍ରେସ ସଭାପତି ସୁଭମ ରାଜଙ୍କ ନେତୃତ୍ବରେ ଆଜି ବିକ୍ଷୋଭ ଶୋଭାଯାତ୍ରା କରିଛି ଦଳ । କଂଗ୍ରେସ ଭବନ ନିକଟରୁ ଏକ ରାଲି ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶିତ କରିଛି । ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଇସ୍ତଫା ଦାବି କରିବା ସହ କୁଶପୁତ୍ତଳିକା ଦାହ କରିଛି କଂଗ୍ରେସ ।
କେନ୍ଦୁଝରରେ ମଧ୍ୟ OSSC ଦୁର୍ନୀତି ତାତି, ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଦାହ ସହ CBI ତଦନ୍ତ ଦାବି କଲା ଛାତ୍ର କଂଗ୍ରେସ
ରାଜ୍ୟ ସରକାରଙ୍କ ନିଯୁକ୍ତି ବିଭାଗରେ ହୋଇଥିବା ଦୁର୍ନୀତିକୁ ଖୁବଶୀଘ୍ର CBI ଦ୍ବାରା ତଦନ୍ତ କରାଯିବାକୁ ମଧ୍ୟ ଛାତ୍ର କଂଗ୍ରେସ ପକ୍ଷରୁ ଦାବି କରାଯାଇଛି । ଏନେଇ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଜିଲ୍ଲାପାଳଙ୍କ ମାଧ୍ୟମରେ ପ୍ରଦାନ କରିଛି ଦଳ ।