ଚେକିଂ ବେଳେ ଚାପିଦେଲା ଟ୍ରକ

ଚାପରା ଆରଟିଓ ଏନଫୋର୍ସ ଟିମର ଡ୍ରାଇଭର ବିଜୟ କୁମାର ମହାନ୍ତ ଏକ ମାଲବାହୀ ଟ୍ରକକୁ ଚେକିଂ ପାଇଁ ଅଟକାଇଥିବାବେଳେ ତାଙ୍କୁ ଚାପିଦେଲା ଟ୍ରକ ।

କେନ୍ଦୁଝର: ଆରଟିଓ ଅପିସରଙ୍କୁ ମହଙ୍ଗାପଡିଲା ଟ୍ରକ ଚେକିଂ । ପୋକରାପାଣି ନିକଟ ୨୦ ନମ୍ବର ଜାତୀୟ ରାଜପଥ ବାଇପାସରେ ଚାପରା ଆରଟିଓ ସକାଳ ସମୟରେ ଚେକିଂ କରୁଥିଲେ । ଚାପରା ଆରଟିଓ ଏନ୍ଫୋର୍ସ ଟିମର ଡ୍ରାଇଭର ବିଜୟ କୁମାର ମହାନ୍ତ ଏକ ମାଲବାହୀ ଟ୍ରକକୁ ଚେକିଂ ପାଇଁ ଅଟକାଇଥିଲେ । ମାତ୍ର ଟ୍ରକଟି ବିଜୟଙ୍କ ଉପରେ ମାଡିଯାଇଥିଲା । ତେବେ ତୁରନ୍ତ ଗୁରୁତର ବିଜୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।

ଟ୍ରକଟି ଆରଟିଓ ଡ୍ରାଇଭରଙ୍କ ଉପରେ ମାଡିଯିବା ପରେ ଟ୍ରକ ଡ୍ରାଇଭର ଫେରାର ହୋଇଯାଇଥିବା ଜଣା ପଡ଼ିଛି। ଏହି ଘଟଣା ପରେ ରାଜରାସ୍ତାରେ ଆରଟିଓ ଏନ୍ଫୋର୍ସ ଟିମର ଚେକିଙ୍ଗ ସମୟରେ ସୁରକ୍ଷା ନେଇ ସାଧାରଣରେ ପ୍ରଶ୍ନ ଉଠିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ