କେନ୍ଦୁଝର: ଜିଲ୍ଲା କୋର୍ଟରେ କୋରୋନା ପଜିଟିଭ ଚିହ୍ନଟ । କେନ୍ଦୁଝର ଜିଲ୍ଲା କୋର୍ଟକୁ ଦୁଇ ଦିନ ପାଇଁ ସମ୍ପୂର୍ଣ୍ଣ ଲକଡାଉନ ଘୋଷଣା କରିଛନ୍ତି ଜିଲ୍ଲା ପ୍ରଶାସନ ।
କେନ୍ଦୁଝର ଜିଲ୍ଲା କୋର୍ଟ 2ଦିନ ପାଇଁ ହେଲା ଲକଡାଉନ
ଦିନକୁ ଦିନ କେନ୍ଦୁଝର ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ଏନେଇ ପ୍ରଶାସନ ମଧ୍ୟ ସଜାଗ ହୋଇଛି । ଜିଲ୍ଲାରେ ସପ୍ତାହକୁ ଦୁଇ ଦିନ ସଟଡାଉନ ମଧ୍ୟ ଘୋଷଣା କରିଛନ୍ତି ସରକାର । ତଥାପି କୋରୋନା ଆକ୍ରାନ୍ତ ସଂଖ୍ୟା କମୁ ନଥିବାବେଳେ ଜିଲ୍ଲା କୋର୍ଟର ଜଣେ ବରିଷ୍ଠ ଓକିଲଙ୍କ କୋରୋନା ଆକ୍ରାନ୍ତ ହୋଇଛନ୍ତି । ଏନେଇ ଜିଲ୍ଲା ଓକିଲ ସଂଘ ପକ୍ଷରୁ ଜିଲ୍ଲା କୋର୍ଟକୁ ଦୁଇ ଦିନ ଲକଡାଉନ ଘୋଷଣା କରାଯାଇଛି । ଗୁରୁବାର ଓ ଶୁକ୍ରବାର ଦୁଇଦିନ କୋର୍ଟ ବନ୍ଦ ରହିବ । ଏହା ସହ ସାପ୍ତାହିକ ଶନିବାର, ରବିବାର ସଟଡାଉନ ପରେ ସୋମବାର କୋର୍ଟ ଖୋଲିବ ବୋଲି ସଙ୍ଘ ସଂପାଦକ ପ୍ରକାଶ କରିଛନ୍ତି ।