କେନ୍ଦୁଝର: ପ୍ରତିଟି ମଣିଷର ଭିନ୍ନ ଭିନ୍ନ ସଉକ ଥାଏ । କିଏ ଡାକ ଟିକଟ ତ ପୁଣି କିଏ ପୁରୁଣା ଟଙ୍କା ଭଳି ଦୁର୍ଲଭ ଜିନିଷ ସଂଗ୍ରହ କରିଥାଏ । ଏପରି ଭାବେ ସଦର ବ୍ଲକ ଅନ୍ତର୍ଗତ ରାଇସୁଆଁ ପଞ୍ଚାୟତ ଗୋପୀନାଥପୁର ଶାସନର ବାସିନ୍ଦା ଚନ୍ଦନ ମହାପାତ୍ରଙ୍କ ରହିଛି କିଛି ନିଆରା ନିଶା । ଦେଶୀ ବିଦେଶୀ ଠୁ ଆରମ୍ଭ କରି ପୁରୁଣାକାଳିଆ 5 ହଜାରରୁ ଉର୍ଦ୍ଧ୍ବ ପେନ ସଂଗ୍ରହ କରି ରେକର୍ଡ କରିବା ଲକ୍ଷ୍ୟରେ ଚନ୍ଦନ ।
ଭିଡିଓ ସୌଜନ୍ୟ-ସମ୍ବାଦଦାତା, କେନ୍ଦୁଝର
କେବଳ ପେନ ନୁହେଁ କାହିଁ କେଉଁ ଯୁଗର ପୋଥି ଲେଖନୀ ମଧ୍ୟ ସଂଗ୍ରହ କରି ନିଜ ପାଖରେ ସାଇତି ରଖିଛନ୍ତି ଚନ୍ଦନ । ତାଙ୍କର ଏହି ନିଶା ପାଇଁ ସେ ନିଜ ଅଞ୍ଚଳରେ ପେନ ମ୍ୟାନ ଭାବେ ପରିଚିତ । ସେ କେବଳ ଯେ ଏସବୁକୁ ସାଇତି ରଖନ୍ତି ତା ନୁହେଁ, ପରୀକ୍ଷା ସମୟରେ ଗରିବ ପିଲାଙ୍କୁ ମଧ୍ୟ ପେନ ଦାନ କରିଥାନ୍ତି ।