ଆନନ୍ଦପୁର: ହାଟଡ଼ିହି ବ୍ଲକରେ କାର୍ଯ୍ୟରତ କନିଷ୍ଠ ଶିକ୍ଷକ ଦରମା ବନ୍ଦ ପ୍ରତିବାଦରେ ବିଇଓଙ୍କ କାର୍ଯ୍ୟାଳୟରେ ତାଲା ଝୁଲାଇଛନ୍ତି । ତିନି ମାସ ହେଲା ଦରମା ନମିଳିବା ପ୍ରତିବାଦରେ କନିଷ୍ଠ ଶିକ୍ଷକ ସଂଘ ପକ୍ଷରୁ ବ୍ଲକ ଶିକ୍ଷାଧିକାରୀ କାର୍ଯ୍ୟାଳୟରେ ତାଲା ପକାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
ଗତ ଏପ୍ରିଲ ମାସ ଠାରୁ ଆଜି ପର୍ଯ୍ୟନ୍ତ ସେମାନଙ୍କୁ ଦରମା ଦିଆଯାଇ ନାହିଁ । ମାସ ମାସ ଧରି ଦରମା ମିଳୁନଥିବାରୁ ଶିକ୍ଷକମାନେ ମାନସିକ ଅଶାନ୍ତି ସହ ପରିବାର ଚଳାଇବାରେ ନାହିଁ ନଥିବା ସମସ୍ୟାର ସାମ୍ନା କରୁଛନ୍ତି । ବିଦ୍ୟାଳୟରେ କାର୍ଯ୍ୟରତ ଅନ୍ୟ ଶିକ୍ଷକମାନେ ମାସକୁ ମାସ ଦରମା ପାଉଥିବାବେଳେ କନିଷ୍ଠ ଶିକ୍ଷକମାନଙ୍କ ତିନି ମାସ ହେଲା ଦରମା ବନ୍ଦ । ବିଇଓଙ୍କ କାର୍ଯ୍ୟାଳୟ ତାଲା ଝୁଲେଇଲେ କନିଷ୍ଠ ଶିକ୍ଷକ ।