ଆନନ୍ଦପୁର: 3ଦିନ ଧରି କେନ୍ଦୁଝର ଜିଲ୍ଲାରେ ବନ୍ୟା କମିଥିବା ବେଳେ,ବହୁ ଲୋକଙ୍କ ଘର ଭାଙ୍ଗି ଯାଇଛି । ନିଜ ପିଲାଛୁଆଙ୍କୁ ଧରି ବନ୍ୟା ପ୍ରପୀଡିତ ଅନ୍ୟତ୍ର ମୁଣ୍ଡ ଗୁଞ୍ଜିଛନ୍ତି । ଘରଦ୍ବାର ନଥିବାରୁ ଖାଦ୍ୟ ଗଣ୍ଡେ ପାଇଁ ଡହଳବିକଳ ହେଉଛନ୍ତି ଲୋକେ । ମାତ୍ର ପ୍ରଶାସନ ଏଯାଏଁ ଲୋକଙ୍କ ନିକଟରେ ପହଞ୍ଚି ନଥିବା ଅଭିଯୋଗ ହୋଇଛି । ତେବେ କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ପଞ୍ଚୁପଲ୍ଲୀ ପଞ୍ଚାୟତର ବେଉସାହିରେ କିପରି ରହିଛି ବନ୍ୟା ପରର ସ୍ଥିତି ଦେଖନ୍ତୁ ରିପୋର୍ଟ ।
4ଦିନ ହେଲା ଭୋକ ଉପାସରେ ବନ୍ୟା ପ୍ରପୀଡିତ, ପ୍ରଶାସନ ସ୍ଥାଣୁ
ବୈତରଣୀ ନଦୀରେ ବନ୍ୟା ଆସିବା ଫଳରେ କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ପଞ୍ଚୁପଲ୍ଲୀ ପଞ୍ଚାୟତର ବେଉସାହିରେ ଅଧିକାଂଶ ଲୋକଙ୍କ ଘର ମାଟିରେ ମିଶିଯାଇଛି । ଗାଁରେ ହଠାତ୍ ବନ୍ୟାଜଳ ପସିଯିବା ଫଳରେ ଘରଦ୍ବାର ଛାଡି ଲୋକେ ଅନ୍ୟତ୍ର ଚାଲିଯାଇଥିଲେ । ବନ୍ୟାରେ ଘର ଭାଙ୍ଗିଯିବା ସହିତ ଲୋକଙ୍କର ଆସବାବପତ୍ର ମଧ୍ୟ ନଷ୍ଟ ହୋଇଯାଇଛି ।ଗତ 4ଦିନ ଧରି ଲୋକମାନେ ଭୋକ ଓପାସରେ ପଡି ରହିଛନ୍ତି ।