କେନ୍ଦୁଝର:ରାକ୍ଷୀ ପୂର୍ଣ୍ଣିମା ପାଳନ ନେଇ ଗାଁଠୁ ସହର ସବୁଠି ପସ୍ତୁତି ଆରମ୍ଭ ହୋଇଯାଇଛି । ଆଉ କିଛି ଦିନ ପରେ ଆସିବ ଭାଇ ଭଉଣୀଙ୍କ ଅତୁଟ ସମ୍ପର୍କର ପର୍ବ ରାକ୍ଷୀ ପୂର୍ଣ୍ଣିମା । ଏହି ରାକ୍ଷୀ ପର୍ବ ପାଇଁ ସହରରୁ ଗାଁ ସବୁ ସ୍ଥାନରେ ରାକ୍ଷୀ ଦୋକାନ ଗୁଡିକରେ ରାକ୍ଷୀ ବିକ୍ରି ଆରମ୍ଭ ହୋଇଗଲାଣି ।
ରାକ୍ଷୀ ପୂର୍ଣ୍ଣିମା ପାଳନ ନେଇ ମିଶନ ଶକ୍ତି ଓ ଓରମାସ ପକ୍ଷରୁ ନିଆରା ପ୍ରୟାସ
ଆଉ ଏହି ପର୍ବ ପାଇଁ ମଧ୍ୟ କେନ୍ଦୁଝର ଜିଲ୍ଲା ପ୍ରଶାସନ ପକ୍ଷରୁ ରାକ୍ଷୀ ଦୋକାନ ମଧ୍ୟ ଖୋଲା ହୋଇଛି । କିନ୍ତୁ ଏହି ରାକ୍ଷୀ ଦୋକାନ ଅନ୍ୟ ଦୋକାନ ତୁଳନାରେ ନିଆରା । ଏହି ଦୋକାନରେ ବିକ୍ରି ଆରମ୍ଭ ହୋଇଛି ପେପର ମ୍ୟାଚ ଦ୍ୱାରା ନିର୍ମିତ ନିଆରା ରାକ୍ଷୀ । ଏହି ରାକ୍ଷୀକୁ ତିଆରି କରିଛନ୍ତି ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ।