ଲକ୍ଷାଧିକ ଟଙ୍କାର ଚୋରା କାଠ ଜବତ କଲା ବନ ବିଭାଗ

ବନବିଭାଗକୁ ସଫଳତା । ଚୋରାରେ ଚାଲାଣ ହେଉଥିବା ଲକ୍ଷାଧିକ କାଠ ଜବତ । ଅଧିକ ପଢନ୍ତୁ...

କେନ୍ଦୁଝର: ବନ ବିଭାଗକୁ ସଫଳତା । କେନ୍ଦୁଝର ଜିଲ୍ଲା ପାଟଣା ରେଞ୍ଜ ଦୁଆଘାଟ ଗ୍ରାମରେ ଚୋରାରେ ଚାଲାଣ କାଠ ଜବତ କରିଛି ବନବିଭାଗ ।

ସୂଚନାଅନୁସାରେ,ପାଟଣା ରେଞ୍ଜ ଦୁଆଘାଟ ଗ୍ରାମରେ ଚୋରାରେ କାଠ ଚାଲାଣ ହେଉଥିବା ନେଇ ବନ ବିଭାଗ ବିଶେଷ ସୁତ୍ରରୁ ଖବର ପାଇଥିଲା । ଖବର ପାଇ ବନ ବିଭାଗର ଗୋଟିଏ ଟିମ ଦୁଆଘାଟ ଗ୍ରାମରେ ପହଞ୍ଚି ଗ୍ରାମର ଦେବବ୍ରତ ରାଉତଙ୍କ ଘରେ ତୁରୁମୁଙ୍ଗା ପୋଲିସ ସହାୟତାରେ ଚଢାଉ କରିଥିଲା । ଚଢାଉରେ ଲକ୍ଷାଧିକ ଟଙ୍କାର ଚୋରା କାଠ ଜବତ କରିଛି ବନବିଭାଗ ।

ଏହା ସହ ଚଢ଼ାଉ ସମୟରେ ଦେବବ୍ରତଙ୍କ ଘରୁ ବିପୁଳ ପରିମାଣର ପଟା , ବିମ୍ ଓ ଚଉକାଠ ଆଦି ଜବତ କରାଯାଇଛି । ଏହି ଚଢ଼ାଉରେ କେନ୍ଦୁଝର ଏସିଏଫ୍ ଘନଶ୍ୟାମ ମହାନ୍ତି, ପାଟଣା ରେଞ୍ଜର ପବିତ୍ର ମୋହନ ନାଏକ ଓ ବନ ବିଭାଗର ଏକ ଟିମ ସାମିଲ ଥିଲେ ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ