ଘରୋଇ କଳହ: ସ୍ତ୍ରୀକୁ ଠେଙ୍ଗାରେ ପିଟିପିଟି ନିର୍ମମ ହତ୍ୟା

କେନ୍ଦୁଝର ଜିଲ୍ଲାରେ ଘରୋଇ କଳହକୁ ନେଇ ସ୍ବାମୀ ଓ ସ୍ତ୍ରୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ଉତ୍ତେଜିତ ହୋଇ ସ୍ବାମୀ ସ୍ତ୍ରୀକୁ ହତ୍ୟା କଲା ।

କେନ୍ଦୁଝର: ସ୍ତ୍ରୀକୁ ଅତି ନିର୍ମମ ହତ୍ୟା କଲା ସ୍ବାମୀ । କେନ୍ଦୁଝରରେ ଜିଲ୍ଲାର ତେଲକୋଇ ଥାନା ଅଞ୍ଚଳରେ ଚାଞ୍ଚଲ୍ୟ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିବା ସହ ହତ୍ୟାକାରୀ ପ୍ରଶ୍ନକୁ ଖୋଜୁଛି ।

ସୂଚନାଅନୁଯାୟୀ ତେଲକୋଇ ଥାନା ଅନ୍ତର୍ଗତ ଖୁଣ୍ଟାପଡା ପଞ୍ଚାୟତ ମଧୁସୂଦନପୁର ଗାଁରେ ଆଜି ସକାଳୁ ଘରୋଇ କଳହକୁ ନେଇ ସ୍ବାମୀ ଓ ସ୍ତ୍ରୀ ଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ଉତ୍ତେଜିତ ହୋଇ ସ୍ବାମୀ ପ୍ରଶ୍ନ ଜୁଆଙ୍ଗ ସ୍ତ୍ରୀ ଶାନ୍ତି ଜୁଆଙ୍ଗକୁ ଠେଙ୍ଗାରେ ପିଟି ପିଟି ଅତି ନିର୍ମମ ଭାବେ ହତ୍ୟା କରିଛି । ଅଭିଯୁକ୍ତ ପ୍ରଶ୍ନ ହତ୍ୟା କରିବା ପରେ ଫେରାର ହୋଇଯାଇଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ