କେନ୍ଦୁଝର:ଷ୍ଟ୍ରେଚରକୁ କାନ୍ଧରେ ବୋହି ରୋଗୀଙ୍କୁ ଆମ୍ବୁଲାନ୍ସ ନିକଟକୁ ନେଲେ ସ୍ବାସ୍ଥ୍ୟ କର୍ମୀ । କେନ୍ଦୁଝର ଜିଲ୍ଲାର ହରିଚନ୍ଦନପୁର ବ୍ଲକ ଅନ୍ତର୍ଗତ ହାତିକୁଚା ଗ୍ରାମର ବନ୍ଧ ସାହିର ଘଟଣା । ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ପ୍ରସୂତିଙ୍କୁ କାନ୍ଧରେ ବୋହିଲେ ସ୍ବାସ୍ଥ୍ୟ କର୍ମୀ
ଗ୍ରାମର ଅର୍ଜୁନ ମୁଣ୍ଡାଙ୍କ ସ୍ତ୍ରୀ ନନ୍ଦିନୀ ଗତ ୧୧ ତାରିଖ ଦିନ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ । ଜନ୍ମ ପରେ ନନ୍ଦିନୀଙ୍କୁ ଅର୍ଜୁନ ନିଜ ଘରକୁ ନେଇ ଆସିଥିଲେ । କିନ୍ତୁ ଘରକୁ ଆସିବା ପରେ ସେ ମାନସିକ ଭାରସାମ୍ୟ ହରାଇ ଜନ୍ମିତ ଶିଶୁକୁ ଅବହେଳା କରିବା ସହ ସ୍ବାମୀଙ୍କ ସହ ଝଗଡା କରି ଅସୁସ୍ଥ ହୋଇ ପଡିଥିଲେ । ଏନେଇ ଅର୍ଜୁନ ୧୦୮ ଆମ୍ବୁଲାନ୍ସକୁ ଫୋନ କରିଥିଲେ ।