କେନ୍ଦୁଝର:ନାବାଳିକାକୁ ଦୁଷ୍କର୍ମ ପରେ ହତ୍ୟା କରି ଘରେ ଟାଙ୍ଗୀ ଦେଇଥିବା ଅଭିଯୋଗ ହୋଇଛି । କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ବଡ଼ କାଳିମାଟି ଗ୍ରାମରେ ଏପରି ଘଟଣା ଘଟିଛି । ପୂର୍ବରୁ ବାପା ମାଙ୍କୁ ହରାଇ ଏକାକି ରହୁଥିବା ସ୍ଥାନୀୟ ଜଣେ ନାବାଳିକାର ମୃତଦେହ ଘରୁ ଝୁଲନ୍ତା ଅବସ୍ଥାରେ ଠାବ ହେବା ପରେ ପାରିପାର୍ଶ୍ବିକ ସ୍ଥିତିରୁ ପ୍ରଥମେ ଦୁଷ୍କର୍ମ ଓ ପରେ ହତ୍ୟାକାଣ୍ଡ ବୋଲି ପଡୋଶୀ ଅଭିଯୋଗ କରିଛନ୍ତି ।
ନାବାଳିକାର ଝୁଲନ୍ତା ମୃତଦେହ ଉଦ୍ଧାର, ଦୁଷ୍କର୍ମ ଓ ହତ୍ୟା ଅଭିଯୋଗ ଆଣିଲେ ପଡୋଶୀ
ସୂଚନା ଅନୁସାରେ, କିଛି ବର୍ଷ ତଳେ ନିଜ ବାପା ମା’ଙ୍କୁ ହରାଇଥିବା ଏହି ଆଦିବାସୀ ନାବାଳିକାଜଣଙ୍କ ବାହାରେ ମୁଲ ମଜୁରୀ କରି ଜୀବିକା ଉପାର୍ଜନ କରି ଆସୁଥିଲେ । କିନ୍ତୁ ଗତକାଲି ନାବାଳିକା ଜଣଙ୍କର ମୃତଦେହ ଘରେ ଝୁଲନ୍ତା ଅବସ୍ଥାରେ ଠାବ କରିଥିଲେ ପଡୋଶୀ ।ଏନେଇ ଥାନାକୁ ଅବଗତ କରାଯିବା ପରେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।