କେନ୍ଦୁଝର: ରକ୍ତ ଚିହ୍ନୁନି ରକ୍ତକୁ । ହଜିଯାଉଛି ମାନବିକତା । ନାତିର ଠେଙ୍ଗା ମାଡ଼ରେ ବୃଦ୍ଧ ଜେଜେମା'ର ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ଘସିପୁରା ଥାନା ଗୋହିରା ଗାଁରେ । ମୃତ ବୃଦ୍ଧା ହେଉଛନ୍ତି ଦୁଃଖୀ ନାୟକ ।
ସୂଚନା ଅନୁଯାୟୀ, କୌଣସି କାରଣକୁ ନେଇ ଗୋହିରା ଗାଁର ମୁନା ନାଏକ ନିଜ ଜେଜେମା ଦୁଃଖୀଙ୍କୁ ଠେଙ୍ଗା ଓ ପଥରରେ ଆକ୍ରମଣ କରିଥିଲେ । ଯାହାଫଳରେ ବୃଦ୍ଧାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଚିତ୍କାର ଶୁଣି ପରିବାର ଲୋକେ ଦୌଡି ଆସି ତାଙ୍କୁ ଗୁରୁତର ଅବସ୍ଥାରେ ଦେଖିବାକୁ ପାଇଥିଲେ । ଏହାପରେ ପରିବାର ଲୋକଙ୍କ ସହାୟତାରେ 108 ଆମ୍ବୁଲାନ୍ସ ଯୋଗେ ଦୁଃଖୀଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଥିଲା । ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।