ଆନନ୍ଦପୁର: ହାଟଡିହି ବ୍ଲକ ବାଙ୍ଗୋର ପଞ୍ଚାୟତରେ ଥିବା ଗୋଚର ଜମି ପାଇଁ ସରପଞ୍ଚଙ୍କ ସମର୍ଥନରେ ବାହାରିଲେ ପଞ୍ଚାୟତବାସୀ । ଗୋଚର ଜମିକୁ ସମତୁଲ କରିବା ପାଇଁ ଆଦାୟ କରି ଦେଲେ 8 ଲକ୍ଷ 42 ହଜାର 700 ଟଙ୍କା । ଏହାସହ ପ୍ରଶାସନ ଏଦିଗରେ ସାହାଯ୍ୟ କରିବା ପାଇଁ କଲେ ଅନୁରୋଧ ।
ଗୋଚର ଜମି ସମତୁଲ ଲାଗି ସରପଞ୍ଚଙ୍କୁ ସମର୍ଥନ, ମିଳିମିଶି ଦେଲେ 8 ଲକ୍ଷ
ସୂଚନା ଅନୁଯାୟୀ, ଗୋଚର ଜମିଟି ଦୀର୍ଘ ଦିନ ହେବ ଓଏମସି କବଜାରେ ଥିବା ସହ ଏଥିରେ ବର୍ଜ୍ୟବସ୍ତୁ ପକାଯାଉଥିଲା । ସ୍ଥାନୀୟ ସରପଞ୍ଚ ଏବାବଦରେ ଜାଣିବା ପରେ ସେ ସ୍ଥାନକୁ ସମତୁଲ କରିବା ପାଇଁ ଆଗଭର ହୋଇଥିଲେ । ସେ ସ୍ଥାନ ନିକଟରେ 3 ଟି ବିଦ୍ୟାଳୟ ଥିବାବେଳେ ଖେଳ ପଡିଆ ନଥିବାରୁ ଏହାକୁ ସେ ସମତୁଲ କରିଥିଲେ । ସେପଟେ ଏଠାରୁ ସମତୁଲ ନାଁରେ ମୋରମ ଚାଲାଣ ହେଉଥିବା ଦର୍ଶାଇ ଖବର ପାଇଁ ଆରଆଇ ଓ ତହସିଲଦାର ପହଞ୍ଚି କାମକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।