କେନ୍ଦୁଝର: ପାଟଣା ବନ ରେଞ୍ଜ ଅନ୍ତର୍ଗତ ଖଡିକାପଦା ଗୋହିରା ସାହିର ଧନେଶ୍ବର ମହାନ୍ତଙ୍କ ଘରୁ ଲକ୍ଷାଧିକ ଟଙ୍କାର କାଠ ଜବତ କରାଯାଇଛି। ତାଙ୍କ ଘରେ ବେଆଇନ ଚଉକାଠ ଥିବା ଡିଏଫଓ କୌଣସି ସୂତ୍ରରୁ ସୂଚନା ପାଇଥିଲେ। ଡିଏଫଓଙ୍କ ନିର୍ଦ୍ଦେଶରେ ତୁରନ୍ତ ସମ୍ପୃକ୍ତ ବ୍ୟକ୍ତିଙ୍କ ଘରେ ବନ ବିଭାଗ ପକ୍ଷର ଚଢାଉ କରାଯାଇଥିଲା।
କେନ୍ଦୁଝରରେ କାଠ ଜବତ ମାମଲା
ତାଙ୍କ ଘର ବାରଣ୍ଡାରେ ଥିବା ୭୫ ସିଏଫଟି ଚଉକାଠ ଜବତ କରାଯାଇଛି। ଏଥିସହିତ ଗ୍ରାମର ଏକ ରାସ୍ତା କଡରେ ପଡିଥିବା ଶାଳ ଓ ଅର୍ଜୁନ ଗଣ୍ଡିକୁ ମଧ୍ୟ ଜବତ କରାଯାଇଛି। ଏସବୁ ଜବତ କାଠର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି କୁହାଯାଇଛି। ଜବତ କାଠକୁ ପାଟଣା ରେଞ୍ଜ କାର୍ଯ୍ୟାଳୟକୁ ପଠାଇଛନ୍ତି ଡିଏଫଓ।