କେନ୍ଦୁଝର: କାଠ ଚୋରାଚାଲାଣ ଉଦ୍ୟମ ପଣ୍ଡ କଲା କେନ୍ଦୁଝର ବନବିଭାଗ ।ଆନନ୍ଦପୁର ଡିଏଫଓ ଅଜିତ ଶତପଥିଙ୍କ ନିର୍ଦ୍ଦେଶ କ୍ରମେ ବନବିଭାଗର ମିଳିତ ଚଢାଉ କରି ୭୦ ହଜାରରୁ ଉର୍ଦ୍ଧ୍ଵ ଟଙ୍କାର ଶାଳକାଠ ଜବତ କରିଛି । ଖବର ଅନୁଯାୟୀ ଦେଓଗାଁ ରେଞ୍ଜ ଭଗାମୁଣ୍ଡା ବନପାଳ ଅଧିନସ୍ଥ ହାତୀକୁଚା ଗାଁ ନିକଟସ୍ଥ ଖେସରା ଜଙ୍ଗଲରେ ଏହି ଚଢାଉରେ ଶାଳକାଠ ଜବତ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା,କେନ୍ଦୁଝର
ଖବରମୁତାବକ, ସୋମବାର ଦିନ ଉକ୍ତ ଜଙ୍ଗଲରୁ କାଠ କଟାଯାଇ ଅନ୍ୟତ୍ର ଚୋରା ଚାଲାଣ କରାଯିବାର ଡିଏଫଓକୁ ଖବର ମିଳିଥିଲା । ଖବର ପାଇବା ପରେ ମାଫିଆଙ୍କୁ ଧରିବା ପାଇଁ ବନବିଭାଗ ପକ୍ଷରୁ ସୋମବାର ଠାରୁ ଉଦ୍ୟମ ଜାରି ରହିଥିଲା । ହେଲେ କାଠ ମାଫିଆ ଘଟଣାସ୍ଥଳରୁ ଖସି ପଳାଇବାରେ ସଫଳ ହୋଇଛି । କିନ୍ତୁ ଉକ୍ତ କାଠକୁ ମଙ୍ଗଳବାର ଦିନ ଜବତ କରାଯାଇଛି ।
ଜବତ ହୋଇଥିବା କାଠକୁ ଟ୍ରାକ୍ଟର ଯୋଗେ ହରିଚନ୍ଦନପୁର ବନବିଭାଗ କାର୍ଯ୍ୟାଳୟକୁ ଆଣାଯାଇଥିବାର ବନବିଭାଗ ପକ୍ଷରୁ ସୂଚନା ମିଳିଛି ।