ରାସ୍ତା ମଝିରେ ଜଳିଲା ତେଲ ବୋଝେଇ ପିକ୍‌ଅପ୍‌ ଭ୍ୟାନ

କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଜରଦା ଓଭରବ୍ରିଜ୍  ନିକଟରେ ସର୍ଟ ସର୍କିଟ ହୋଇ ଜଳିଗଲା ମାଲବାହୀ ପିକଅପ୍ ଭ୍ୟାନ୍ । ଫଳରେ ଏହି ଦୁର୍ଘଟଣାରେ ଗାଡ଼ିରେ ଥିବା ଡ୍ରାଇଭର ଅଳ୍ପକେ ବର୍ତ୍ତିଯାଇଛନ୍ତି।

ଆନନ୍ଦପୁର: ରାସ୍ତା ମଝିରେ ହୁତୁ ହୁତୁ ହୋଇ ଜଳିଲା ମାଲବାହୀ ପିକ୍‌ଅପ୍‌ ଭ୍ୟାନ । କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅଧିନସ୍ଥ ଜରଦା ଓଭରବ୍ରିଜ୍‌ରେ ଏକ ମାଲବାହୀ ଭ୍ୟାନ ଜଳି ଯାଇଛି । ସର୍ଟସର୍କିଟ ଯୋଗୁଁ ଏଥିରେ ନିଆଁ ଲାଗି ଯାଇଥିବା ଜଣାପଡିଛି । ଖବର ପାଇ ଘଟଣାସ୍ଥଳରେ ଯାଜପୁର ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ତେବେ ସୌଭାଗ୍ୟ ବଶତଃ ନିଆଁରୁ ବର୍ତ୍ତି ଯାଇଛନ୍ତି ଗାଡି ଚାଳକ ।

ଏହି ଭ୍ୟାନଟି କେଶଦୁରାପାଳ ଗ୍ରାମର ବୋଲି ଜଣାପଡିଛି । ଗାଡିରେ ଥିବା ରିଫାଇନ୍ ତେଲକୁ ସ୍ଥାନୀୟଲୋକେ ଉଦ୍ଧାର କରିଥିବା ବେଳେ ଓ ଗାଡିଟି ସମ୍ପୂର୍ଣ୍ଣ ଜଳିଯାଇଛି । ତେବେ ଏହାକୁ ନେଇ କିଛି ସମୟ ପାଇଁ ଯାତାୟତ ବାଧାପ୍ରାପ୍ତ ହୋଇଥିଲା ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ