ଝିଅକୁ ବଞ୍ଚାଇବାକୁ ଯାଇ କୁଶେଇରେ ବୁଡି ବାପ ମୃତ

କେନ୍ଦୁଝର ଘଷିପୁରା ଥାନା ଜଳସୁଆଁ ଗାଁରେ ଝିଅକୁ ବଞ୍ଚାଇବାକୁ ଯାଇ ବାପା ମୃତ । ଅଧିକ ପଢନ୍ତୁ...

କେନ୍ଦୁଝର: ଝିଅକୁ ବଞ୍ଚାଇବାକୁ ଯାଇ ବାପା ମୃତ । ଏମିତ ଏକ ଦୁଃଖଦ ଘଟଣା ଘଟିଛି କେନ୍ଦୁଝର ଘଷିପୁରା ଥାନା ଜଳସୁଆଁ ଗାଁରେ ।

ଗାଁର ପଦ୍ମନାଭ ସାହୁ ଆଜି ନିଜ ୫ ବର୍ଷର ଝିଅକୁ ନେଇ ନିକଟସ୍ଥ କୁଶେଇ ନଦୀକୁ ଗାଧୋଇବାକୁ ଯାଇଥିଲେ । ଗାଧୋଇବା ବେଳେ ଅସାବଧାନତା ବଶତଃ ଝିଅଟି ନଦୀରେ ବୁଡିଯାଉଥିବା ବେଳେ ତାକୁ ବଞ୍ଚାଇ ବାକୁ ଯାଇ ନିଜେ ନଦୀ ସ୍ରୋତରେ ଭାସିଯାଇ ଥିଲେ ।

ପାଖରେ ଥିବା ଅନ୍ୟ ଲୋକମାନେ ଝିଅ ଟିକୁ ଉଦ୍ଧାର କରିବା ସହିତ ପଦ୍ମନାଭଙ୍କୁ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ