କୀଟନାଶକ ଛିଞ୍ଚି ଦମ୍ପତି ମୃତ !

କେନ୍ଦୁଝର ଜିଲ୍ଲା ରଘୁନାଥପୁରରେ ଚାଷ ଜମିରେ କୀଟନାଶକ ପ୍ରୟୋଗ ସମୟରେ ଶ୍ବାସରୁଦ୍ଧ ହୋଇ ଚାଷୀ ମୃତ ।

ଆନନ୍ଦପୁର: କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ବାରିପାଳ ପଞ୍ଚାୟତ ରଘୁନାଥପୁର ଗ୍ରାମରେ ଚାଷ ଜମିରେ କୀଟନାଶକ ଔଷଧ ପ୍ରୟୋଗ ସମୟରେ ଶ୍ବାସରୁଦ୍ଧ ହୋଇ ଚାଷୀ ଦମ୍ପତି ମୃତ ।

ଘସିପୁରା ଥାନା ଅନ୍ତର୍ଗତ ରଘୁନାଥପୁର ଗ୍ରାମର ବିଜୟ ମୁର୍ମୂ ଓ ତାଙ୍କ ସ୍ତ୍ରୀ ପାନ ମୁର୍ମୂ ଚାଷ ଜମିରେ ଔଷଧ ପ୍ରୟୋଗ ପାଇଁ ଯାଇ ଆଉ ଘରକୁ ଫେରିନଥିଲେ । ଘରକୁ ନ ଫେରିବା ଯୋଗୁଁ ଘରଲୋକ ଖୋଜାଖୋଜି କରି ମଧ୍ୟ ପାଇନଥିଲେ । ଆଜି ଗ୍ରାମବାସୀ ଦୁଇ ଜଣଙ୍କ ମୃତଦେହ ଅଁଳାପାଳ ମୌଜା ଧାନ ବିଲରେ ମୁହଁ ମାଡି ପଡିଥିବା ଦେଖିବାକୁ ପାଇଥିଲେ । ତେବେ କେଉଁ କାରଣ ପାଇଁ ତାଙ୍କର ମୃତ ହୋଇଛି ଜଣା ପଡିନଥିଲେ ମଧ୍ୟ ଶ୍ବାସରୁଦ୍ଧ ହୋଇ ମୃତ୍ୟୁ ହୋଇଥିବା ଅନୁମାନ କରାଯାଉଛି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ