କେନ୍ଦୁଝର: ଜିଲ୍ଲା ଡିଆରଡିଏରେ କିରାଣୀ ଭାବେ କାର୍ଯ୍ୟ କରୁଥିବା ରଘୁନାଥ ନାଏକଙ୍କର ଅସ୍ବାଭାବିକ ମୃତ୍ୟୁ ହୋଇଛି । ହଠାତ୍ ମୃତ୍ୟୁର ତଦନ୍ତ ଦାବି କରି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ମୃତଦେହକୁ ରଖି ଧାରଣା ଦେଇଛନ୍ତି ପରିବାର ଲୋକ ।
ଧାରଣାରେ ପରିବାର ଲୋକ
ଗତ ୭ ତାରିଖ ଦିନ ରଘୁନାଥ ଅଫସକୁ ଆସି ଆଉ ଘରକୁ ଫେରି ନ ଥିଲେ । ତାଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଥିବା ନେଇ କେହି ଫୋନରେ କହିବା ପରେ ପରିବାର ଲୋକ ରଘୁନାଥଙ୍କର ମୁଣ୍ଡରେ ମାଡ଼ ହୋଇଥିବା ଜାଣିବାକୁ ପାଇଥିଲେ । ଏହା ପରେ ଗତକାଲି କଟକରେ ତାଙ୍କର ମୃତ୍ୟୁ ହୋଇଛି । ସେଠାରେ ମୃତଦେହ ବ୍ୟବଚ୍ଛେଦ ପରେ କେନ୍ଦୁଝରକୁ ଅଣା ଯାଇଛି ।