କେନ୍ଦୁଝର: ଜିଲ୍ଲା ତେଲକୋଇ ରେଞ୍ଜ ଅଧୀନସ୍ଥ ପଡାଙ୍ଗ ଗାଁରେ ହାତୀପଲଙ୍କ ଉପଦ୍ରବ । ୭ ଟିକିଆ ହାତୀପଲ ଗତକାଲି ବିଳମ୍ବିତ ରାତିରେ ଗାଁରେ ପଶି ଏକର ଏକର ଧାନଫସଲ ଖାଇବା ସହ ଦଳି ମକଚି ନଷ୍ଟ କରିଛନ୍ତି । ଦିନରେ ବି ଏହି ହାତୀପଲ ଉପଦ୍ରବ ଜାରି ରଖିଥିବାବେଳେ ଚିନ୍ତାରେ ପଡିଛନ୍ତି ଚାଷୀ ।
କେନ୍ଦୁଝରରେ ହାତୀ ପଲଙ୍କ ଉପଦ୍ରବ, ନଷ୍ଟ କଲେ ଏକର ଏକର ଧାନ ଫସଲ
ଚାଷୀ ଧାର କରଜ କରି ଚାଷ କରିଥିବା ଫସଲ ଏବେ ହାତୀଙ୍କ ଯୋଗୁଁ ନଷ୍ଟ ହେବାକୁ ବସିଲାଣି । ଏନେଇ ତେଲକୋଇ ଵନ ବିଭାଗକୁ ଅବଗତ କରାଯାଇଥିଲେ ମଧ୍ୟ ଚାଷୀଙ୍କୁ ନଷ୍ଟ ହୋଇଥିବା ଫସଲର ସହାୟତା ଦେବା ତ ଦୂରର କଥା ହାତୀ ପଲଙ୍କୁ ଘଉଡାଇବା ପାଇଁ କୌଣସି ପଦକ୍ଷେପ ଗ୍ରହଣ କରାଯାଉ ନଥିବା ଚାଷୀ ଅଭିଯୋଗ କରିଛନ୍ତି ।