କେନ୍ଦୁଝର:ହାତୀ ଦାନ୍ତ ଚୋରା କାରବାରରେ ଧରା ପଡ଼ିଲେ ଦୁଇ ବେପାରୀ । ରାଜ୍ୟ ଏସଟିଏଫ ଟିମ ଦ୍ବାରା ଚଢ଼ାଉ ବେଳେ ଦୁଇ ବେପାରୀଙ୍କ ଗିରଫ କରାଯାଇଥିବା ସୂଚନା ମିଳିଛି । କେନ୍ଦୁଝର ଜିଲ୍ଲା କାଳନ୍ଦା ରାସ୍ତା ନିକଟରେ ଗତକାଲି (ଶନିବାର) ଦୁଇ ବେପାରୀ ହାତୀ ଦାନ୍ତ ଚୋରା ଚାଲାଣ କରୁଥିବାବେଳେ ଧରାପଡ଼ିଛନ୍ତି ।
ତେବେ ଏହି ଘଟଣାରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଏସଟିଏଫ ଟିମ । ଅଭିଯୁକ୍ତ ଦୁଇଜଣ କଲଣ୍ଡା ଗ୍ରାମର ରମାକାନ୍ତ ପ୍ରଧାନ ଓ ଅନାମ ମୁଣ୍ଡା ହୋଇଥିବା ଜଣାପଡ଼ିଛି । ଚଢ଼ାଉ ବେଳେ ସେମାନଙ୍କ ଠାରୁ ଦୁଇଟି ହାତୀ ଦାନ୍ତ ଜବତ କରାଯାଇଛି । ଯାହାର ଓଜନ ୫ କିଲୋ ୬୬୨ ଗ୍ରାମ ଓଜନ ହୋଇଥିବା ସୂଚନା ମିଳିଛି । ପୂର୍ବରୁ ଏହି ଅଞ୍ଚଳରେ ଦୁଇଟି ହାତୀ ଦାନ୍ତ ଧରା ପଡ଼ିଥିବା ବେଳେ ସେହି ଘଟଣା ସହ ଏହାର ସମ୍ପର୍କ ଥିବା ନେଇ ତଦନ୍ତ ଚାଲୁଥିବା ଡିଏଫଓ ଏଚ ଡି. ଧନରାଜ ସୂଚନା ଦେଇଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
