କେନ୍ଦୁଝର: ତେଲକୋଇ ରେଞ୍ଜରେ ଥମୁନି ହାତୀପଲଙ୍କ ଉପଦ୍ରବ । ବିମଳା ଫରେଷ୍ଟ ବିଟ୍ ଅଞ୍ଚଳରେ ହାତୀ ଉପଦ୍ରବ ଥମିବାର ନାଁ ଧରୁନି । ରବିବାର ବିଳମ୍ବିତ ରାତିରେ ରାଣିବେଡା ଗାଁରେ ପଶି ଗୋବର୍ଦ୍ଧନ ନାୟକଙ୍କ ଘର ଭାଙ୍ଗି 11 ବସ୍ତା ଧାନ ଖାଇବା ସହ 5 ବସ୍ତା ଚାଉଳ ଖାଇଯାଇଛନ୍ତି ।
ହାତୀପଲଙ୍କ ଉପଦ୍ରବ: ଘର ଭାଙ୍ଗିଲେ, ଧାନ ଖାଇଲେ
ତେବେ ଘର ଭାଙ୍ଗିବା ଦେଖି ଘରେ ଥିବା ଲୋକେ ଜୀବନ ବିକଳରେ ଦୌଡି ପଳାଇଥିଲେ । ସେପଟେ ଖୁଣ୍ଟାପଡା ଗାଁରେ ମଧ୍ୟ ହାତୀପଲଙ୍କ ଉପଦ୍ରବ ଯୋଗୁଁ ଏକର-ଏକର ଆଳୁ ଫସଲ ଓ କୋବି ଫସଲ ନଷ୍ଟ ହୋଇଛି । ଖଳାରେ ଥିବା ବସ୍ତା ବସ୍ତା ଧାନକୁ ଖାଇଯାଇଛନ୍ତି ହାତୀପଲ । ଗାଁର ପ୍ରଦୀପ ପ୍ରଧାନ, ସୁଶାନ୍ତ ପ୍ରଧାନ, କାଳିଆ ପ୍ରଧାନ ଓ ରମେଶ ସାହୁଙ୍କ ପରିବା ଫସଲ ନଷ୍ଟ କରିବା ସହ ଖଳାରୁ ଧାନ ଖାଇ ନଷ୍ଟ କରିଛନ୍ତି ।