ତେଲକୋଇରେ ମାତିଛନ୍ତି ଗଜରାଜ; ଭାଙ୍ଗୁଛନ୍ତି ଘର, କୁଦୁଛନ୍ତି ଫସଲ

ପଡାଙ୍ଗ ଗାଁ ଗୁହାଳପାଳ ସାହିରେ ହାତୀପଲଙ୍କ ଉପଦ୍ରବ । ଘରଭାଙ୍ଗିବା ସହ ଧାନଚାଉଳ ଖାଇଗଲେ ହାତୀ । ଅଧିକ ପଢନ୍ତୁ..

କେନ୍ଦୁଝର: ତେଲକୋଇ ବନାଞ୍ଚଳ ଅଧିନସ୍ଥ ପଡାଙ୍ଗ ଗାଁ ଗୁହାଳପାଳରେ ହାତିପଲଙ୍କ ଉପଦ୍ରବ । ବୁଧବାର ରାତି ପ୍ରାୟ ୧୧ଟା ସମୟରେ ଭିତରେ ହାତୀପଲ ସାହି ଭିତରେ ପଶିଥିଲେ । ସିକନ୍ଦର ହେମରମଙ୍କ ଘର ଭାଙ୍ଗିବା ସହ ଧାନଚାଉଳ ଖାଇ ନଷ୍ଟ କରିଦେଇଛନ୍ତି ।

ସାହି ଲୋକଙ୍କ ଗଛରୁ ପଣସ ଖାଇବା ସହ ପନିପରିବା ଫସଲ ମଧ୍ୟ ନଷ୍ଟ କରିଛନ୍ତି । ହାତୀ ଘର ଭାଙ୍ଗିବା ଦେଖି ପରିବାର ଲୋକେ ଜୀବନ ବିକଳରେ ଦୌଡି ପଳାଇଥିଲେ ।

ଏହାପରେ ସାହି ଲୋକେ ଏକାଠି ହୋଇ ନିଆଁହୁଳା ସାହାଯ୍ୟରେ ହାତୀପଲଙ୍କୁ ଘଉଡାଇଥିଲେ । ଅନ୍ୟପକ୍ଷରେ ରାତିରେ ହାତୀପଲଙ୍କ ଉପଦ୍ରବକୁ ନେଇ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ଖବରପାଇ ବନ ବିଭାଗ ଗାଁକୁ ଯାଇଥିବା ଜଣା ପଡ଼ିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ