କେନ୍ଦୁଝର:ରେଳ ଲାଇନ୍ ପାର ହେବା ବେଳେ ହାତୀପଲଙ୍କୁ ଧକ୍କା ଦେଲା ଟ୍ରେନ୍ । ମାଲବାହୀ ଟ୍ରେନ୍ ଧକ୍କାରେ ଯାଇଛି ୨ ମାଈ ହାତୀଙ୍କ ମୃତ୍ୟୁ । ଏହାସହ ଅନେକ ଆହାତ ହୋଇଥିବାର ଜଣାପଡ଼ିଛି । କେନ୍ଦୁଝର ଜିଲ୍ଲା ଦୈତାରି ରେଞ୍ଜ୍ ଅନ୍ତର୍ଗତ ଟାଙ୍ଗରିଆପାଳ ଷ୍ଟେସନ ନିକଟରେ ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି ।
ସୂଚନା ମୁତାବକ, ବିଳମ୍ବିତ ରାତିରେ ହାତୀପଲ ରେଳ ଧାରଣା ପାର୍ ହେଉଥିଲେ । ସେହି ସମୟରେ ଟାଙ୍ଗରିଆପାଳ ଷ୍ଟେସନ୍ ନିକଟ ଆମ୍ବଧରା ନାଳ ଏବଂ କୋଠଘାଟି ମଝିରେ ହାତୀଙ୍କୁ ଧକ୍କା ଦେଇଥିଲା ଏକ ମାଲବାହୀ ଟ୍ରେନ୍ । ଦୁର୍ଘଟଣା ପରେ ହାତୀ ଦୁଇଟି ପ୍ରାୟ ୧୦ ଫୁଟ ତଳକୁ ଛିଟିକି ପଡ଼ିଥିଲେ । ଖବର ପାଇ ବନ ବିଭାଗର ଅଧିକାରୀମାନେ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଉକ୍ତ ଅଞ୍ଚଳ ହାତୀ ଗନ୍ତବ୍ୟ ସ୍ଥଳ ହୋଇଥିବା ବେଳେ ଟ୍ରେନ୍ ଚଳାଚଳ ନେଇ ଗାଇଡ଼ ଲାଇନ ହୋଇଛି । କିନ୍ତୁ ଟ୍ରେନ୍ର ଅତ୍ୟଧିକ ଗତି ଯୋଗୁଁ ଏହି ଦୁର୍ଘଟଣା ହୋଇଥିବା ଆଶଙ୍କା କରାଯାଉଛି । ତଦନ୍ତ ପରେ ଟ୍ରେନ୍ ଡ୍ରାଇଭରଙ୍କ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ପ୍ରକାଶ କରିଛନ୍ତି ଜଙ୍ଗଲ ବିଭାଗ ଅଧିକାରୀ ।