କୃଷ୍ଣପୁର ଗାଁରେ ହାତୀ ଉପଦ୍ରବ, ଘର ଭାଙ୍ଗି ଖାଇଗଲେ ଧାନଚାଉଳ

କେନ୍ଦୁଝର କୃଷ୍ଣପୁରରେ ଗାଁରେ ଶୁକ୍ରବାର 6 ଟିକିଆ ହାତୀ ପଶି ସବୁକିଛି ନଷ୍ଟ କରିଦେଇଛି । କାହା ଘର ଭାଙ୍ଗି ଦେଇଛନ୍ତି ଆଉ କାହାର ଧାନ ତଳିକୁ ଦଳି ନଷ୍ଟ କରିଦେଇଛନ୍ତି । ଅଧିକ ପଢନ୍ତୁ...

କେନ୍ଦୁଝର: ତେଲକୋଇ ରେଞ୍ଜ କୃଷ୍ଣପୁର ଗାଁରେ ହାତୀ ଉପଦ୍ରବ । ଶୁକ୍ରବାର ରାତିରେ 6 ଟିକିଆ ହାତୀ ଗାଁରେ ପଶି ଉପଦ୍ରବ ଚଳାଇଥିଲେ । ଧାନ ତଳି ନଷ୍ଟ କରିବା ସହ ଗାଁର ପୁରସ୍ତମ ପାତ୍ରଙ୍କ ଘର ଭାଙ୍ଗି ଧାନ ଚାଉଳ ଖାଇ ଯାଇଛନ୍ତି । ଏହା ସହ ୫ରୁ ୬ ବସ୍ତା ଚାଉଳକୁ ହାତୀପଲ ବୋହି ନେଇଯାଇଛନ୍ତି । ଯାହାକୁ ନେଇ ଗ୍ରାମବାସୀଙ୍କ ମନରେ ଆତଙ୍କ ଖେଳିଯାଇଛି ।

ସେପଟେ, ହାତୀପଲ ଘର ଭାଙ୍ଗିବା ସମୟରେ ପୁରସ୍ତମଙ୍କ ପରିବାର ଜୀବନ ବକଳରେ ଘରୁ ଦୌଡି ପଲାଇଥିଲେ । ପରେ ବନ ବିଭାଗକୁ ଖବର ଦେଇଥିଲେ । ଏହା ପରେ ବନ ବିଭାଗ ଘଟଣାସ୍ଥଳରେ ପହଞ୍ଚି ହାତୀ ପଲଙ୍କୁ ଘଉଡେଇଥିଲେ । ହାତୀ ପଲରେ ଦୁଇ ହାତୀ ଛୁଆ ଥିବା ସୂଚନା ମିଳିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ