କେନ୍ଦୁଝର: ବର୍ଷା ହେବା ପରେ ଚାଷୀ ଚାଷ କାମକୁ ଜୋର ସୋରରେ ଆରମ୍ଭ କରିଛି । ବର୍ଷା ନହେବାରୁ ଯେଉଁ ଧାନ ତଳି ନଷ୍ଟ ହେବାକୁ ବସିଥିଲା ତାହା ଏବେ ବଞ୍ଚିବା ଆରମ୍ଭ କଲାଣି । ଏହି ଧାନ ଚାଷ ପାଇଁ ଚାଷୀ ବିଭିନ୍ନ ସ୍ଥାନରୁ ଧାର ଉଦ୍ଧାର କରିବା ମଧ୍ୟ ଆରମ୍ଭ କରିଛି । ଏପଟେ ଚାଷୀଙ୍କ ଚିନ୍ତା ବଢାଇଛନ୍ତି ହାତୀ ପଲ।
୫୦ ଏକରରୁ ଉର୍ଦ୍ଧ୍ବ ଧାନ ଚାଷ ନଷ୍ଟ କଲେ ହାତୀପଲ
ଗୁରୁବାର ରାତି କେନ୍ଦୁଝର ଜିଲ୍ଲା ସଦର ବ୍ଲକ ପର୍ଜନପୁର ପଞ୍ଚାୟତ କଶିରା ଗ୍ରାମରେ ହାତୀପଲ ବ୍ୟାପକ ଫସଲ ନଷ୍ଟ କରିଛନ୍ତି । ବିଳମ୍ବିତ ରାତିରେ ଏହି ହାତୀପଲ ନିକଟସ୍ଥ ଜଙ୍ଗଲରୁ ଆସି ୫୦ ଏକରରୁ ଉର୍ଦ୍ଧ୍ବ ଫସଲ ଦଳି ଚକଟି ନଷ୍ଟ କରିଦେଇଛନ୍ତି ।