କେନ୍ଦୁଝର: ପ୍ରଥମେ ବାଘ ଏବେ କେନ୍ଦୁଝର ଆତଙ୍କ ଖେଳାଉଛି ଦନ୍ତାହାତୀ। ଏଭଳି ଭୟାବହ ପରିସ୍ଥିତିରେ ଦିନ କାଟୁଛନ୍ତି ଜିଲ୍ଲାର ହରିଚନ୍ଦନପୁର ବ୍ଲକ ଦୈତାରୀ ମାଇନ୍ସର ସ୍ଥାନୀୟ ଲୋକେ। ଘଟଣାକୁ ନେଇ ମାଇନ୍ସ କର୍ତ୍ତୃପକ୍ଷ ଓ ବନବିଭାଗ କର୍ତ୍ତୃପକ୍ଷ ସଲାସୁତୁରା ହୋଇ ନିରବଦ୍ରଷ୍ଟା ସାଜିଛନ୍ତି।
ଗତକାଲି ରାତିରେ ବଣୁଆ ଦନ୍ତାହାତୀ ଜଣେ ସିଆଇଏସଏଫ ଯବାନଙ୍କ ଘର ଭାଙ୍ଗିବା ସହ ଯବାନଙ୍କ ପେଟରେ ଦାନ୍ତ ଭୁସି ଦେଇଛି । ଏହାପରେ ତାଙ୍କୁ ଗୁରୁତର ଅବସ୍ଥାରେ ସଙ୍ଗେ ସଙ୍ଗେ କଳିଙ୍ଗନଗର ଟାଟା ମେଡିକାଲକୁ ସ୍ଥାନାନ୍ତର କରାଯାଇଛି ।
ପୁଣି ଦନ୍ତାହାତୀର ଆତଙ୍କ, ଆକ୍ରମଣରେ ଗୁରୁତର ସିଆଇଏସଏଫ୍ ଯବାନ
ଖବର ମୁତାବକ, ବଙ୍ଗାଳୀ ସୋରେନ୍ ଜଣେ ସିଆଇଏସଏଫ ଯବାନ ହୋଇଥିବାବେଳେ ରାଉରକେଲାରେ ଚାକିରୀ କରୁଛନ୍ତି । ମକର ସଂକ୍ରାନ୍ତି ଉପଲକ୍ଷେ ଛୁଟି କଟାଇବା ପାଇଁ ଘରକୁ ଆସିଥିଲେ । ହେଲେ ଗତକାଲି ବିଳମ୍ବିତ ରାତିରେ ଦୈତାରୀ ଘରେ ଶୋଇଥିବାବେଳେ ଏକ ଦନ୍ତା ହାତୀ ଆସି ପ୍ରଥମେ ଘରକୁ ଭାଙ୍ଗିଥିଲା।