ଟାଙ୍ଗିଆରେ ହାଣି ସ୍ତ୍ରୀକୁ ହତ୍ୟା କଲା ନୃଶଂସ ସ୍ବାମୀ

ମଦ ନିଶା ହେଲା କାଳ । ସାତ ଜନ୍ମ ପାଇଁ ସାଥୀ ହୋଇ ଚାଲିବାର ପ୍ରତିଶ୍ରୁତି ଦେଇଥିବା ସ୍ତ୍ରୀର ଜୀବନ ନେଲା ନୃଶଂସ ସ୍ବାମୀ ।

କେନ୍ଦୁଝର: ସାମାନ୍ୟ ବଚସାକୁ ନେଇ ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ନୃଶଂସ ସ୍ବାମୀ । ଏଭଳି ଅମାନବୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଡୁମୁରିଆ ପଞ୍ଚାୟତ ବଣମହୁଲଡିହା ଗ୍ରାମର ମୁଣ୍ଡା ସାହିରେ ।

ରବିବାର ଅପରାହ୍ନରେ ମୁଣ୍ଡାସାହିର ସୁନିଆ ମୁଣ୍ଡା ବଳଦ ଚରାଇ ଘରକୁ ଆସିବା ପରେ ସ୍ତ୍ରୀ ମାନି ମୁଣ୍ଡା ସହ କୌଣସି କଥାକୁ ନେଇ ବଚସା ହୋଇଥିଲା । ଏଥିରେ ସ୍ବାମୀ ସୁନିଆ ଉତ୍‌କ୍ଷିପ୍ତ ହୋଇ ମଦ ନିଶାରେ ନିଜ ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କରିଥିଲା । ଖବର ପାଇ ଘଟଣାସ୍ଥଳରେ ଘଟଗାଁ ପୋଲିସ ପହଞ୍ଚି ହତ୍ୟାକାରୀ ସ୍ବାମୀକୁ ଗିରଫ କରି ମାନିର ମୃତଦେହକୁ ଉଦ୍ଧାର କରି ତଦନ୍ତ ଆରମ୍ଭ କରିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ