ଚମ୍ପୁଆରେ ଚାଞ୍ଚଲ୍ୟ, ହତ୍ୟା ଅଭିଯୁକ୍ତଙ୍କ ପତ୍ନୀ ଓ ଝିଅକୁ ଗଳାକାଟି ହତ୍ୟା

କେନ୍ଦୁଝର ଜିଲ୍ଲା ଚମ୍ପୁଆ ଥାନା ଅନ୍ତର୍ଗତ ଧଳାଦିହି ଗାଁରେ ଡବଲ ମର୍ଡର । ରାତି ଅଧରେ ମା’ ଓ ଝିଅକୁ ଗଳାକାଟି ହତ୍ୟା କଲେ ଦୁର୍ବୃତ୍ତ । ହତ୍ୟାର କାରଣ ଅସ୍ପଷ୍ଟ ।

କେନ୍ଦୁଝର: ଚମ୍ପୁଆ ଥାନା ଅନ୍ତର୍ଗତ ଧଳାଦିହି ଗାଁରେ ଚାଞ୍ଚଲ୍ୟ । ରାତି ଅଧରେ ଘଟିଯାଇଛି ଡବଲ ମର୍ଡର । ରାତିରେ ଶୋଇଥିବା ବେଳେ ମା’ ଓ 5 ବର୍ଷିୟକୁ ଝିଅକୁ କେହି ଦୁର୍ବୃତ୍ତ ହତ୍ୟା କରି ଫେରାର ହୋଇଯାଇଛି ।

ମୃତକ ହେଲେ ସରସ୍ବତୀ ମୁଣ୍ଡା ଓ ତାଙ୍କ ଝିଅ ଲକ୍ଷ୍ମୀ ମୁଣ୍ଡା । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । କିଏ ଓ କାହିଁକି ? କେଉଁ କାରଣରୁ ମା’ ଝିଅଙ୍କୁ ହତ୍ୟା କଲା ତାହାର କାରଣ ଜଣାପଡିନାହିଁ ।

ସୂଚନା ଅନୁଯାୟୀ, ମୃତ ସରସ୍ବତୀଙ୍କ ସ୍ବାମୀ ଏକ ହତ୍ୟା ମାମଲାରେ ଜେଲରେ ଅଛନ୍ତି । ପୂର୍ବ ଶତ୍ରୁତାରୁ ହତ୍ୟାକାଣ୍ଡ ଘଟିପାରେ ବୋଲି ଚର୍ଚ୍ଚା ହେଉଛି । ଘଟଣାର ତଦନ୍ତ ପରେ ପ୍ରକୃତ ସତ୍ୟ ସାମ୍ନାକୁ ଆସିବ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ