କେନ୍ଦୁଝର:କାନପୁର ବିସ୍ଥାପିତଙ୍କୁ ଯଥାଶୀଘ୍ର ଥଇଥାନ ନେଇ ଉଠିଲା ଦାବି । କେନ୍ଦୁଝର କାନପୁର ନଦୀବନ୍ଧ ଯୋଜନାରେ ବିସ୍ଥାପିତ ହୋଇଥିବା ବାସିନ୍ଦାଙ୍କ ପକ୍ଷରୁ ଉପଯୁକ୍ତ ଥଇଥାନ ପ୍ୟାକେଜ ଦାବି କରାଯାଇଛି । ଯଥାଶୀଘ୍ର ଦାବି ପୂରଣ ନ କରାଗଲେ ଭିଟାମାଟି ଛାଡିବେ ନାହିଁ ବୋଲି ଏହି ବିସ୍ଥାପିତମାନେ ଚେତାବନୀ ଦେଇଛନ୍ତି ।
ଅନ୍ୟପଟେ କାନପୁର ନଦୀବନ୍ଧ ଯୋଜନା ଶେଷ ନହେବା ପଛରେ ସରକାରଙ୍କ 2006 ମସିହା ଆରଆର ପଲିସିକୁ ନେଇ ପ୍ରଶ୍ନ ଉଠାଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ସରକାର ସଠିକ ନିୟମ ପାଳନ କରୁନଥିବାରୁ କାମ ଶେଷ ହୋଇପାରିଲା ନାହିଁ ବୋଲି ସେ ଅଭିଯୋଗ କରିଛନ୍ତି । ସରକାର ଏଥିପ୍ରତି ଦୃଷ୍ଟି ନ ଦେଲେ ବିସ୍ଥାପିତଙ୍କ ସହ ମିଶି ଆନ୍ଦୋଳନ କରିବା ନେଇ ନିରଞ୍ଜନ ପଟ୍ଟନାୟକ ଏକ ସାମ୍ବାଦିକ ସମ୍ମିଳନୀ ଜରିଆରେ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ