ସ୍କୁଲ ଘରୁ ଶୋଇଥିବା ଅବସ୍ଥାରେ ଜଗୁଆଳିର ମୃତଦେହ ଉଦ୍ଧାର

ଟାଉନ ଥାନା ଅନ୍ତର୍ଗତ ଜେଲ ରୋଡଠାରେ ଥିବା ଏକ ବେସରକାରୀ ବିଦ୍ୟାଳୟ ପରିସରରୁ ଉଦ୍ଧାର ହୋଇଛି ମୃତଦେହ । ଅଧିକ ପଢନ୍ତୁ...

କେନ୍ଦୁଝର: ଟାଉନ ଥାନା ଅନ୍ତର୍ଗତ ଜେଲ ରୋଡଠାରେ ଥିବା ଏକ ବେସରକାରୀ ବିଦ୍ୟାଳୟ ପରିସରରୁ ଉଦ୍ଧାର ହୋଇଛି ମୃତଦେହ । ମୃତକଙ୍କ ନାମ ଭାଗବତ ଦେହୁରୀ ଜଣାପଡିଥିବା ବେଳେ ସେ ସମ୍ପୃକ୍ତ ସ୍କୁଲରେ ଜଗୁଆଳି ଭାବେ ନିଯୁକ୍ତ ଥିଲେ ।

ସୂଚନା ଅନୁଯାୟୀ ଗୁରୁବାର ସକାଳେ ବିଦ୍ୟାଳୟ ପରିସରରେ ଏକ ରୁମରେ ସେ ବନ୍ଦ ଥିବାରୁ ଅନ୍ୟ କର୍ମଚାରୀମାନେ ଥାନାରେ ଜଣାଇଥିଲେ । ଖବର ପାଇ ପୋଲିସ କବାଟ ଖୋଲିବାରୁ ଶୋଇଥିବା ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଦେଖିଥିଲେ । ଟାଉନ ପୋଲିସ ମୃତଦେହକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ