ଆନନ୍ଦପୁର: ଗ୍ୟାସ ଚୁଲ୍ଲାରେ ନିଆଁ ଲାଗି ଶ୍ବଶୁର ବୋହୂ ଗୁରୁତର । କେନ୍ଦୁଝର ଆନନ୍ଦପୁରର ରାମଚନ୍ଦ୍ରପୁର ଥାନା କଡ଼ରାପାଳ ଗାଁରେ ରୋଷେଇ କରୁଥିବା ସମୟରେ ଗ୍ୟାସ ଚୁଲାରୁ ନିଆଁ ଲାଗି ଜଣେ ମହିଳା ଗୁରୁତର ହୋଇଥିବା ବେଳେ ଉଦ୍ଧାର କରିବାକୁ ଯାଇ ଶ୍ବଶୁର ଗୁରୁତର ଆହତ ହୋଇଛନ୍ତି |
ଭିଡିଓ ସୌଜନ୍ୟ:ପ୍ରତିନିଧି, ଆନନ୍ଦପୁର
ସୂଚନା ଅନୁଯାୟୀ, କଡରାପାଳ ଗାଁର ଗଣେଶ ବାରିକଙ୍କ ସ୍ତ୍ରୀ ସଞ୍ଜିବନୀ ଗତ ଗୁରୁବାର ସନ୍ଧ୍ୟାରେ ଚା କରୁଥିବା ସମୟରେ କୌଣସି କାରଣରୁ ଗ୍ୟାସ ଚୁଲାରୁ ନିଆଁ ବାହାରି ତାଙ୍କ ଦେହରେ ଲାଗି ଯାଇଥିଲା | ବୋହୁ ଦେହରେ ନିଆଁ ଲାଗିଥିବା ଦେଖି ଶ୍ବଶୁର ନରୋତ୍ତମ ତାଙ୍କୁ ଉଦ୍ଧାର କରିବାକୁ ଯାଇ ଗୁରୁତର ଆହତ ହୋଇଛନ୍ତି | ସେହିପରି ଘରେ ଥିବା ଦିଅର ନାରାୟଣ ମଧ୍ୟ ସାମାନ୍ୟ ଆହତ ହୋଇଛନ୍ତି |