କେନ୍ଦୁଝର: ବଙ୍ଗୋପସାଗରରେ ସାମୁଦ୍ରିକ ଝଡ ୟସ ଏବେ ଉପକୂଳ ମୁହାଁ ହୋଇସାରିଛି । ଏହା ବାତ୍ୟାର ରୂପ ନେଇ ଓଡ଼ିଶାର ବାଲେଶ୍ଵର ନିକଟସ୍ଥ ବାହାନଗାରେ ଲ୍ୟାଣ୍ଡଫଲ କରିଛି ବୋଲି ପାଣିପାଗ ବିଭାଗ ପ୍ରକାଶ କରିଛନ୍ତି । ବାଲେଶ୍ଵରରେ ଏହା ଲ୍ୟାଣ୍ଡଫଲ ହୋଇଥିବାରୁ ନିକଟବର୍ତ୍ତୀ ଜିଲ୍ଲା ଗୁଡିକରେ ମଧ୍ୟ ଏହାର ପ୍ରଭାବ ଦେଖାଯିବ ବୋଲି ଜଣାପଡ଼ିଛି ।
ଲ୍ୟାଣ୍ଡଫଲ କରିଛି ବାତ୍ୟା ୟସ, ଜିଲ୍ଲାରେ ପବନ ସାଙ୍ଗକୁ ବର୍ଷା ଅନୁଭୂତ
ତେବେ ୟସ ପାଇଁ କେନ୍ଦୁଝର ଜିଲ୍ଲା ପ୍ରଶାସନ ମଧ୍ୟ ସଜାଗ ହୋଇଛି । ବହୁ ପୂର୍ବରୁ କେନ୍ଦୁଝର ଜିଲ୍ଲାପାଳ ଆଶିଷ ଠାକରେଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଗତକାଲି ଜିଲ୍ଲାପାଳ କେନ୍ଦୁଝର ଜିଲ୍ଲାର କ୍ଷୟକ୍ଷତି ଅଞ୍ଚଳ ଭାବେ ପରିଚିତ ଆନନ୍ଦପୁର ସବଡିଭିଜନ ଅଞ୍ଚଳ ପ୍ରତ୍ୟକ୍ଷ ତତ୍ତ୍ବାବଧାନ କରିଛନ୍ତି ।