କେନ୍ଦୁଝର: କୋରୋନା ଭୂତାଣୁର ବ୍ୟାପକତାକୁ ନେଇ ସରକାର ଏବେ ପୂର୍ଣ୍ଣ ତତ୍ପର । ରବିବାର ଜନତା କର୍ଫ୍ୟୁକୁ କେନ୍ଦୁଝର ଜିଲ୍ଲାରେ ସଫଳତା ମିଳିଥିଲା ବେଳେ ଏହାକୁ ଦେଖି ସୋମବାର କେନ୍ଦୁଝର ଜିଲ୍ଲାରେ ପୂର୍ବ ନିର୍ଦ୍ଦେଶ ମୁତାବକ 144 ଧାରାକୁ ପ୍ରଶାସନ କଡାକଡି କରିଛି । ଜନ ଗହଳି ଏଡାଇବା ପାଇଁ ସମସ୍ତ ଜନଗହଳି ପୂର୍ଣ୍ଣ ସ୍ଥାନ ଗୁଡିକରେ ପୋଲିସ ପକ୍ଷରୁ ବନ୍ଦ କରାଯାଉଛି ।
ସେପଟେ ଅତ୍ୟାବଶ୍ୟକ ସାମଗ୍ରୀ ଦୋକାନ ଗୁଡିକୁ ଛାଡି ଦେଲେ ଅନ୍ୟାନ୍ୟ ଦୋକାନ ବଜାରକୁ ବନ୍ଦ କରାଯାଇଛି । ଏହି ଆଇନ କେତେ ଦିନ ବଳବତ୍ତର ରହିବ ତାହା ଆଗାମୀ ନିର୍ଦ୍ଦେଶ ପରେ ଜଣା ପଡିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ତେବେ ପ୍ରଶାସନ ପକ୍ଷରୁ ଏହି ବନ୍ଦକୁ ସମର୍ଥନ କରି ବ୍ୟବସାୟୀମାନେ ନିଜ ଦୋକାନ ବଜାର ବନ୍ଦ କରୁଥିବା ଦେଖିବାକୁ ମିଳିଛି । ଏଥିସହ ଆଗାମୀ ଦିନରେ ମଧ୍ୟ ପ୍ରଶାସନକୁ ସହଯୋଗ କରାଯିବ ବୋଲି ବ୍ୟବସାୟୀ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ