ପୋଖରୀରେ ପଡି ଶିଶୁପୁତ୍ର ମୃତ, ପରିବାରରେ ଶୋକର ଛାୟା

ଘରେ କେହି ନଥିବା ବେଳେ ପୋଖରୀରେ ପଡି ଜଣେ ଦେଢ଼ ବର୍ଷର ଶିଶୁପୁତ୍ରର ମୃତ୍ୟୁ । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ପାଟଣା ଥାନା ସ୍ବାମ୍ ମୁଣ୍ଡା ସାହିରେ । ଅଧିକ ପଢନ୍ତୁ...

କେନ୍ଦୁଝର: ପୋଖରୀରେ ପଡି ଜଣେ ଦେଢ଼ ବର୍ଷର ଶିଶୁପୁତ୍ରର ମୃତ୍ୟୁ । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ପାଟଣା ଥାନା ସ୍ବାମ୍ ମୁଣ୍ଡା ସାହିରେ । ମୃତ ଶିଶୁ ପୁତ୍ର ହେଲେ ଗ୍ରାମର ରାମ ମୁଣ୍ଡାଙ୍କ ଦେଢ଼ ବର୍ଷର ପୁଅ ତରଣୀ ମୁଣ୍ଡା।

ସୂଚନା ଅନୁସାରେ ଘରେ କେହି ନଥିବା ବେଳେ ଶିଶୁ ପୁତ୍ରଟି ଘର ପଛପଟରେ ଥିବା ଗଡ଼ିଆରେ ପଡି ମୃତ୍ୟୁ ବରଣ କରିଛି । ଘର ଲୋକେ ଖୋଜାଖୋଜି କରିବା ପରେ ଗଡ଼ିଆ ଭିତରେ ଶିଶୁଟି ପଡିଥିବା ଦେଖିଥିଲେ । ପରେ ତାକୁ ଉଦ୍ଧାର କରି ପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଛନ୍ତି । ଶିଶୁପୁତ୍ରର ମୃତ୍ୟୁକୁ ନେଇ ପରିବାରରେ ଶୋକର ଛାୟା ଖେଳିଯାଇଛି।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ