ପେଜ ପଡି ଦେଢ଼ ବର୍ଷର ଶିଶୁ ଗୁରୁତର

ଗରମ ପେଜ ପଡି ଦେଢ଼ ବର୍ଷର ଶିଶୁ ଗୁରୁତର । ଗୁରୁତର ଅବସ୍ଥାରେ କେନ୍ଦୁଝର ମୁଖ୍ୟ ଚିକିତ୍ସାଳୟ ଭର୍ତ୍ତି କରିବା ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।

କେନ୍ଦୁଝର: ପେଜ ପଡି ଦେଢ଼ ବର୍ଷର ଶିଶୁ ଗୁରୁତର । ଗୁରୁତର ଅବସ୍ଥାରେ ତାକୁ ପ୍ରଥମେ କେନ୍ଦୁଝର ମୁଖ୍ୟ ଚିକିତ୍ସାଳୟ ଭର୍ତ୍ତି କରିବା ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।

ଗତକାଲି ବିଳମ୍ବିତ ରାତିରେ ବାଂଶପାଳ ବ୍ଲକ ଅନ୍ଧାରିଖମଣ ଗ୍ରାମର ମୁସଣ ମୁଣ୍ଡାଙ୍କ ସ୍ତ୍ରୀ ରୋଷେଇ ଘରେ ଭାତ ଗାଳୁଥିବା ସମୟରେ ପାଖରେ ଖେଳୁଥିବା ଦେଢ଼ ବର୍ଷର ଶିଶୁ କନ୍ୟା ନିରୂପମା ହାଣ୍ଡି ପାଖକୁ ଚାଲିଆସିଥିଲା । ଫଳରେ ଗରମ ପେଜ ତା ଉପରେ ପଡିଯିବାରୁ ସେ ଗୁରୁତର ହୋଇଥିଲା । ମୁସଣ ତୁରନ୍ତ କେନ୍ଦୁଝର ମେଡିକାଲକୁ ଗୁରୁତର ଅବସ୍ଥାରେ ଝିଅକୁ ଆଣିଥିବା ବେଳେ କଟକ ନେବାକୁ ସକ୍ଷମ ହେଇନଥିଲେ । ଖବର ପାଇ କିଛି ସ୍ବେଚ୍ଛାସେବୀଙ୍କ ସାହାଯ୍ୟରେ ତାଙ୍କୁ କଟକ ବଡ଼ ମେଡିକାଲକୁ ପଠାଯାଇଛି।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ