ଆନନ୍ଦପୁର: ଭୁବନେଶ୍ବର କଟକ ପରେ ଏବେ ଆନନ୍ଦପୁରର ଅନେକ ନର୍ସିଂହୋମ ଉପରେ ଚଢାଉ । କୋଭିଡ ଗାଇଡଲାଇନ ଉଲ୍ଲଂଘନ ନେଇ ଟ୍ବିନସିଟି ପରେ ଏବେ ଆନନ୍ଦପୁରରେ ଯାଞ୍ଚ ହୋଇଛି । ବାରମ୍ବାର ପ୍ରଶାସନ ତରଫରୁ ରାଜ୍ୟର ସମସ୍ତ ହସ୍ପିଟାଲ ଓ ନର୍ସିଂହୋମ ଗୁଡିକୁ କୋରୋନା ନିୟମ ମାନିବାକୁ କଡାକଡି ତାଗିଦ କରାଯାଇଥିଲେ ମଧ୍ୟ ଏଥିରେ ବ୍ୟତିକ୍ରମ ହେବା ସାମ୍ନାକୁ ଆସୁଛି ।
ର୍ନସିଂହୋମରେ କୋଭିଡ୍ ଗାଇଡଲାଇନ ଯାଞ୍ଚ
ଏନେଇ ଗୁରୁବାର ଆନନ୍ଦପୁରର ଅନେକ ନର୍ସିଂହୋମ ଉପରେ କୋରୋନା ଗାଇଡଲାଇନ ପାଳନ ନେଇ ପ୍ରଶାସନ ପକ୍ଷରୁ ଚଢାଉ କରାଯାଇ ତନ୍ନ ତନ୍ନ ଯାଞ୍ଚ କରାଯାଇଛି । ରୋଗୀ ସେବା ସମୟରେ ନର୍ସିଂହୋମମାନଙ୍କରେ ସାମାଜିକ ଦୂରତ୍ବ ରକ୍ଷା, ରୋଗୀଙ୍କ ସଂସ୍ପର୍ଶରେ ଆସୁଥିବା ଡାକ୍ତର ଓ କର୍ମଚାରୀମାନେ ଆବଶ୍ୟକୀୟ ସୁରକ୍ଷା ଉପକରଣ ବ୍ୟବହାର କରିବା, ସାନିଟାଇଜେସନ ପ୍ରଭୃତିକୁ ନେଇ ତଦନ୍ତ କରିଛନ୍ତି ।