ଆନନ୍ଦପୁର: କେନ୍ଦୁଝର ଜିଲ୍ଲା ଘସିପୁରା ବ୍ଲକ କେଶଦୁରାପାଳ ପଞ୍ଚାୟତ । ବହୁ ବାଧାବିଘ୍ନ ପରେ ଏଥର ଜମିରେ ସୁନାର ଫସଲ ଫଳିଥିଲା । ଭଲ ଅମଳର ଆଶା ମଧ୍ୟ କରିଥିଲେ ଚାଷୀ । ହେଲେ, ଧାନ ଅମଳ ସମୟରେ ଚାଷୀ ମୁଣ୍ଡରେ ପଡିଛି ଚଡକ । ବ୍ୟାପକ ଅଞ୍ଚଳରେ ଜମିରେ ମାଡିଯାଇଛି ଚକଡା ପୋକ । ଏଥିଯୋଗୁଁ ଧାନ ଅମଳ ବହୁ ପରିମାଣରେ ବାଧାପ୍ରାପ୍ତ ହେବାର ଆଶଙ୍କା ଦେଖାଦେଇଛି । ଯାହାକୁ ନେଇ ଋଣ ପରିଶୋଧ କିପରି କରିବେ, ସେନେଇ ଚିନ୍ତାରେ ପଡିଛନ୍ତି ଚାଷୀ ।
ଚକଡ଼ା ପୋକ ଉଜାଡ଼ି ଦେଲା ଫସଲ, ଚାଷୀଙ୍କ ମୁଣ୍ଡରେ ଚଡକ
କେବଳ କେଶଦୁରାପାଳ ଗାଁ ନୁହେଁ ନାରଙ୍ଗପୁର, ବରିପାଳ, ବାଲିପାଳ ଓ ମଙ୍ଗଳପୁର ଗ୍ରାମରେ ଅନେକ ଚାଷ ଜମିରେ ଚକଡା ପୋକ ଲାଗିଥିବା ଅଭିଯୋଗ କରିଛନ୍ତି ଚାଷୀ । ଚକଡା ପୋକ ଧରିଥିବା ବେଳେ କୀଟନାଶକ ପ୍ରୟୋଗ କରି କୌଣସି ଫଳ ହୋଇନଥିବା ଅଭିଯୋଗ ହୋଇଛି । ଅଭିଯୋଗ ପାଇବା ପରେ କୃଷି ବିଭାଗର ଅଧିକାରୀଙ୍କ ମଧ୍ୟ ଦେଖାନାହିଁ । ଖରା, ବର୍ଷା, ଶୀତରେ ଝାଳବୁହା ପରିଶ୍ରମ । କ୍ଷେତରେ ଦିନରାତି ଖଟୁଛି ଚାଷୀ ।