କେନ୍ଦୁଝର: ଆଜି ପବିତ୍ର ପଣା ସଂକ୍ରାନ୍ତି । ଏନେଇ ଚଳଚଞ୍ଚଳ ହୋଇ ଉଠିଛି ଗାଁ ଠୁ ସହର । ସମସ୍ତଙ୍କ ମନରେ ଭରି ଯାଇଛି ଉତ୍ସାହ । ମନ୍ଦିର ଯାଇ ଭଗବାନଙ୍କୁ ଦର୍ଶନ କରୁଛନ୍ତି ଭକ୍ତ । ଏହି ପବିତ୍ର ପଣା ସଂକ୍ରାନ୍ତି ବା ମହାବିଷୁବ ସଂକ୍ରାନ୍ତି ଉପଲକ୍ଷେ ଘଟଗାଁ ପୀଠ ଚଳଚଞ୍ଚଳ ହୋଇଛି । ଭକ୍ତଙ୍କ ଭିଡ ଲାଗିଛି । ମା’ଙ୍କ ସୁନାବେଶ ଅନୁଷ୍ଠିତ ହୋଇଛି ।
ପଣା ସଂକ୍ରାନ୍ତି ଉପଲକ୍ଷେ ଚଳଚଞ୍ଚଳ ତାରେଣୀ ପୀଠ
କେନ୍ଦୁଝର ଜିଲ୍ଲାର ଆରାଧ୍ୟ ଦେବୀ ମା ତାରିଣୀଙ୍କ ପୀଠ ମଧ୍ୟ ଚଳଚଞ୍ଚଳ ହୋଇଛି । ଘଟଗାଁ ପୀଠରେ ଦୀର୍ଘ ନଅ ଦିନ ବ୍ୟାପି ମାଙ୍କ ଚଇତି ପର୍ବ ପାଳନ ହେଇ ଆସୁଛି । ଚଇତି ପର୍ବ ମା ତାରିଣୀଙ୍କ ଅନ୍ୟତମ ଶ୍ରେଷ୍ଠ ପର୍ବ । ଏହି ପର୍ବ ବଡ ଧୁମଧାମରେ ପାଳିତ ହୋଇଥାଏ କିନ୍ତୁ କୋରୋନା କାରଣରୁ ଦୁଇବର୍ଷ ହେଲା ଚଇତି ପର୍ବ ବିନା ଭକ୍ତରେ କେବଳ ମାଙ୍କର ରୀତିନୀତି ଅନୁସାରେ ପାଳିତ ହେଉଥିଲା ।