ଜାତୀୟ ଅନୁସୂଚିତ ଜନଜାତି ଆୟୋଗର ନୂତନ ସଦସ୍ୟଙ୍କୁ କେନ୍ଦୁଝରରେ ସମ୍ବର୍ଦ୍ଧନା

ଜାତୀୟ ଅନୁସୂଚିତ ଜନଜାତି ଆୟୋଗର ନୂତନ ସଦସ୍ୟ ରୂପେ ମନୋନୀତ ହୋଇଛନ୍ତି ପୂର୍ବତନ ସାଂସଦ ଅନନ୍ତ ନାଏକ । ତେବେ କେନ୍ଦୁଝର ଜିଲ୍ଲାରେ ତାଙ୍କୁ ବିପୁଳ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଅଧିକ ପଢନ୍ତୁ...

ଆନନ୍ଦପୁର: ଜାତୀୟ ଅନୁସୂଚିତ ଜନଜାତି ଆୟୋଗର ନୂତନ ସଦସ୍ୟ ରୂପେ ମନୋନୀତ ହୋଇଛନ୍ତି ପୂର୍ବତନ ସାଂସଦ ଅନନ୍ତ ନାଏକ । ତେବେ କେନ୍ଦୁଝର ଜିଲ୍ଲାରେ ତାଙ୍କୁ ବିପୁଳ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ସଦସ୍ୟ ମନୋନୀତ ହେବା ପରେ ପ୍ରଥମ ଥର ନୂଆଦିଲ୍ଲୀରୁ ଆସୁଥିବା ଅନନ୍ତ ନାଏକଙ୍କୁ କେନ୍ଦୁଝର ସୀମା ୨୦ ନମ୍ବର ଜାତୀୟ ରଜପଥ ଜରଦା ଛକରେ ବିଜେପି ପକ୍ଷରୁ ପୁଷ୍ପମାଲ୍ୟ ଦେଇ ସ୍ବାଗତ କରାଯାଇଥିଲା ।

ଜାତୀୟ ଅନୁସୂଚିତ ଜନଜାତି ଆୟୋଗର ସଦସ୍ୟ ରୂପେ ମନୋନୀତ ହେବା ପରେ ଆଦିବାସୀ ମାନଙ୍କର ଉନ୍ନତି ପାଇଁ କାର୍ଯ୍ୟ କରିବେ ବୋଲି ସେ କହିଛନ୍ତି । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ଦେବ ଜେନା, ଦୀପକ ଜେନା ପ୍ରମୁଖ ବହୁ ବିଜେପି ନେତା ଓ କର୍ମୀ ସାମିଲ ହୋଇଥିଲେ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ