କେନ୍ଦୁଝର: କାଞ୍ଜିପାଣି ଘାଟିରେ ବସ ଦୁର୍ଘଟଣା ଗ୍ରସ୍ତ। ଏଥିରେ ୧୦ଜଣ ଗୁରୁତର ଆହତ ହୋଇଛନ୍ତି। ଆହତଙ୍କ ମଧ୍ୟରେ ୩ ଜଣ ଛୋଟ ପିଲା ରହିଛନ୍ତି । ଶ୍ରୀ ଜଗନ୍ନାଥ ନାମକ ବସଟି କେନ୍ଦୁଝର ଜିଲ୍ଲା ସଦର ଥାନା ମନୋହରପୁରରୁ ତେଲକୋଇ ବ୍ଲକର କତରାପାଲି ଗାଁକୁ ଯିବା ବେଳେ ଏହି ଦୁର୍ଘଟଣା ଘଟିଛି ।
ସୂଚନା ଅନୁସାରେ, କାଞ୍ଜିପାଣି ଘାଟିରେ ୧ନମ୍ବର ଘାଟି ଓହ୍ଲାଉ ଥିବାବେଳେ ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା ବସ । ଯାହାଫଳରେ ବସ ଭିତରେ ଥିବା ୫୫ ଜଣଯାତ୍ରୀଙ୍କ ମଧ୍ୟରୁ ୧୦ଜଣ ଗୁରୁତର ଆହତ ହେବାସହ ଅନ୍ୟମାନେ ସାମାନ୍ୟ ଆହତ ହୋଇଛନ୍ତି । ଆହତଙ୍କୁ ପ୍ରଥମେ ତେଲକୋଇ ମେଡ଼ିକାଲ ଓ ପରେ କେନ୍ଦୁଝର ମେଡିକାଲକୁ ସ୍ଥାନାନ୍ତର କରାଯାଇଛି । ଅଗ୍ନିଶମ ବିଭାଗ କର୍ମଚାରୀ ଓ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ତେଲକୋଇ ମେଡିକାଲରେ ଭର୍ତ୍ତି କରାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ