କେନ୍ଦୁଝର: ବାମେବାରୀ ଥାନା ନୟାଗଡ଼ ନିକଟ ନେଙ୍କଡ଼ାପାଣି ଗାଁରେ ଚାଞ୍ଚଲ୍ୟକର ଘଟଣା । ଗୁଣିଗାରେଡି ସନ୍ଦେହରେ ସଂଘଟିତ ହୋଇଛି ଲୋମହର୍ଷଣକାରୀ ହତ୍ୟା । ଦୁଇ ଜଣଙ୍କୁ ନିର୍ମମ ଭାବରେ ହତ୍ୟା କରାଯାଇଛି । ଏହି ହତ୍ୟାକାଣ୍ଡ ପରେ 5 ଜଣଙ୍କୁ ଗିରଫ କରିଛି ପୋଲିସ ।
ନେଙ୍କଡ଼ାପାଣୀ ଗ୍ରାମର ମହିଳା ସୁବାସ ମୁଣ୍ଡା ଓ ତାଙ୍କ ପୁତୁରା ଶଙ୍କର ମୁଣ୍ଡାଙ୍କୁ ନୃଶଂସତାର ସହ ସଂଘବଦ୍ଧ ଭାବେ ହତ୍ୟା କରାଯାଇଛି । ବାମେଵାରୀ ପୋଲିସ ଏହି ହତ୍ୟାକାଣ୍ଡରେ ସଂପୃକ୍ତ ଥିବା ରାମ, ଦାମ, ବିଜୁଙ୍କୁ ମିଶାଇ ମୋଟ 5ଜଣଙ୍କୁ ଗିରଫ କରିଛି । ପ୍ରାଥମିକ ତଦନ୍ତରୁ ଡାହାଣୀ ଓ ଗୁଣିଆ ସନ୍ଦେହରେ ଏହି ଡବଲ ମର୍ଡର ହୋଇଥିବା ସୂଚନା ଦେଇଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର